القصيده مهداه للشيخ/فيصل بن نايف ابوخشيم

[أبن شويمي المرشدي]

القصيده مهداه للشيخ/فيصل بن نايف ابوخشيم
من الشاعر/محمد بن سعيد بن اشويمي المرشدي العتيبي

اعداد وبل منهمر من رعوده=لشيخ من ربعه معزه وتقدير
فيصل ولد نايف وحنا عضوده=ينساق له فنجال غيد المباهير
مشكور ياشيخ توالت جهوده=ميقاف شيخ العز فاق التعابير
مضف على الميقاف كامل بنوده=عساه يسلم من سهوم المقادير
سيف على الوقفه تسابق حيوده=في كف شغموم يفد الطوابير
الله يشهد والخلايق شهوده=لاسمه نصيب من فعوله وتقرير
الراس طيب والصفات محموده=شرواه فالقمه وبين المشاهير
شيخ الشيوخ وناجبينه جدوده=جزل القوافي يفتخر فالمناعير
ابوه نايف وافي في ردوده=يارد على الجزله زبون المخاسير
وشمل القبيله عند جده عهوده=شيخ لمرشد فالليال المعاسير
يبجد بهم دار تكاشر فهوده=وناقة شداده من خيار المغاتير
واليوم ابو نواف حام حدوده=مقدم رجال فاللوازم بواتير
هو شيخ مرشد والقبيله جنوده=قول مثبت ما دخل فيه تزوير
ماهمنا فالدار نغمة حسوده=ولا غيرت فينا حشود المعاثير
الامن ضافي تحت راية سعوده=في ظل حكام البلاد المسافير
وعداد طواف الحرم مع سجوده=صلوا على الي مرسل بالتباشير

الشاعر/محمد بن سعيد بن اشويمي المرشدي العتيبي

[غالب الذيابي]

:
:
:


انا اشهد انه كفو فيصل ،، يستاهل الجزل من المدح ،،

لو ما اعرفه ماقلت هالكلام ، لكن شهود الله فـ ارضه..

وصح لسانك يابن شويمي ، وفيت وكفيت.
:
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[أبن شويمي المرشدي]

المشاركة الأصلية كتبت بواسطة غالب الذيابي

:
:
:


انا اشهد انه كفو فيصل ،، يستاهل الجزل من المدح ،،

لو ما اعرفه ماقلت هالكلام ، لكن شهود الله فـ ارضه..

وصح لسانك يابن شويمي ، وفيت وكفيت.
:
:
:
:
:

ماعليك زود ياولد ذايب وانتم هل العلم الغانم وهل الكرم