من روآئع شآعرنآ محمد بن عآيش البرآق الثبيتي .. في [ غنيت من هآجوس قلبي ونيه ] .. "

[أحمد نوآف]

ـالسلآم ξـليكم ورحمہ اللہ وبركآتہ‘ـے•● ‏"



غنيت من هآجوس قلبي ونيه &
وأخذت من زين المعآني نوآدي


نصيتهآ مدوخ كبير السريه &
شيخ تسلسل من محمد وهآدي


اللي عليه الحق والمشرهيه &
حيثه مقدم عزوتي وإستنآدي


يآشيخ مآمثلك ينكد عليه &
وأنآ ولد عمك وبأقصى الثنآدي


بيني وبينك عبله قآهميه &
ووآدي الرشآء دوني وبيض الرهآدي


أبي السعه مير الوجيه الرديه &
ترمي لي الأسبآب في كل وآدي


يآشيخنآ فيك السطر والحميه &
ونوب تميلهآ علينآ عمآدي


عطيتني صدمه ولطمه وكيه &
أموت وأفنى مآبرت من فؤآدي


أشيلهآ وأحطهآ في خفيه &
وبلعتهآ علقم بشوك الكدآدي


هذا جزآي عقب غربه وجيه &
وطول السنين المآضيآت البعآدي


أخذت في عمآن خآمس ضحيه &
ورجعت لك بوضآخ مآني بغآدي


واخذت في الطآيف ومكه وليه &
عشرين عآم بالحسآب الوكآدي


ورجعت لك مرجآع حيٍ لـ حيه &
أبيك تكرمني لآ جيت بآدي


أنآ كمآ طير يجريه فيه &
لآ زآع من رآعيه وقت الهدآدي


كل ٍ ينآديني يبيني خويه &
وجهي طليق وكل ديره بلآدي


لكن أبى شوف الربوع الدنيه &
وشوفي لقصر وضآخ غآيه مرآدي


ديره بني عمي عرآي القويه &
أفخر بهم بين الحضر والبوآدي


أبي لآ زليت ولآ خطيه &
ترفى لو أفعل مثل جآر المهآدي


هذا كلآمي والسلآم تحيه &
عليك يآ لطآم خشم المعآدي

وسلآمتكم .. ~

[ولدعساف]

صح لسانه .. لاهنت

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[محمد العتيبي]

الله الله

صح لسان الشاعر / محمد البراق ..


قصيده رائعه جدا استمتعت بقرائتها ..


ولاهنت يالغالي على النقل الرائع ..


تحيتي
..

التوقيع

للتواصل عبر twitter تويتر al_bargawy@

[أحمد نوآف]

المشاركة الأصلية كتبت بواسطة ولدعساف

صح لسانه .. لاهنت

صح بدنك
شكرآ ل مرورك ~

[أحمد نوآف]

المشاركة الأصلية كتبت بواسطة محمد العتيبي

الله الله

صح لسان الشاعر / محمد البراق ..


قصيده رائعه جدا استمتعت بقرائتها ..


ولاهنت يالغالي على النقل الرائع ..


تحيتي
..

هلا والله ب محمد
صح بدنككك ,
حياااكك الله ~

[(مہودع دنہيأهہ)]

صــــــح لسااانه قصيده جزله من جزل وبيض الله وجهك على النقل