ياعتيبه

[ابن العود]

اخواني اشارك معكم بهذه القصيدة الرائعه لاحد شعراء القبيلة من قبيلة الوذانين من عتيبه والملقب ب ( وذنان )
ياعتيبه

ياعتيبه جودو حبل التواصل واعتنو به = ياعتيبه كلبوكم ربع واعمام وقرايب
ياعتيبه شيدو جسر التقارب واعبرو به = بحر حسادن لكم بالشر يدنون النصايب
علمو طفل الرضاعه سلم ربعه والعروبه = لايزل وياخذ الدرب اليسير وكل عايب
ورعكم خلوه يشرب بالمفاخر كل نوبه = ويتباها بين ربعه بالشجاعه والحرايب
وفطنوا له لا يوطي راسه وتكثر عيوبه = الفتا من ركزته من بعد تنزيل الصلايب
انتم رجال المواقف والشكاله والمهوبه =في مواقفكم تزول اصعب صعيبات الصعايب
وان حزيتو خصمكم فالنار تاكل من جنوبه =ماتعدون المغازي غير لفحات الهبايب
والكرم هو طبعكم دايم تعدون بوجوبه = في دساتير العرب يدعونكم شم الوهايب
صيتكم يرقى السحايب فوق والعالم حكوبه = كل حكام العرب يشرون قرب اهل النجايب
يكفي ان محمد المختار والعالم دروبه =قد رضع من بنت ابوها خيرفعل وكل صايب
يرحم اللي حط في وصف العرب شرط العروبه =اصل ربعن في الحجاز ومايخالطها شوايب