قصيده ((حثلان وعمير )) للشاعر حسين بن شتوي الحبابي

[الحد الرهيف]

قصيده جديده للشاعر / حسين بن شتوي الحبابي
بعنوان ((حثلان وعمير )) صوتيه وكتابيه

ياهل الملايين ياحثـلان وعميـر=ياسعد مـن تربطـه فيكـم علاقـه
ياللي جمعتـوا ملاييـن ومغاتيـر=وصيت ومكانه وناموس وطلاقـه
جمعتوا الوضح واطربتوا الجماهير=وشاف المشاهد بعد طول اشتياقـه
وضـح ماشبهتهـا الا بالغناديـر=ولاكما الموج لازاد اصتفاقه
في الجهل عربونها روس المناعير=واليوم عربونها شيك وبطاقه
ورجال الاعمال تلعب بالدنانير=وستين مليون نقطه الانطلاقه
العام هذا عن اعوام مضت غير=السوق غالي ول اللناس طاقه
والمشكله من هل البل والهوامير=واللي لما قيل سوق المال ساقه
من كثر ماله مايدري بالمخاسير=زود وتباهي مايشريها عشاقه
والعصرعصر انفتاح وعصر تطوير=بث فضائي ومورث وعراقه
والاعلام له جانب سلبـي وتاثيـر=من بعد ما كان شوف الابل شفاقه
وعند السنافي لماجوه المسايير=حليـب خلفاتها حلو مـذاقه
يقوله اللي سـرى ليلـه تفاكير=يدعي على الفقر ويـدور افراقه
موظف راتبه ياتيه تقطـير=والراس مرخيه لامواس الحلاقه
آجار وديـون واقسـاط وفواتيـر=انـا وهي كلها ربع ورفاقه
قلته وانا مقتنع بالشـر والخير=ولاقلتها مـن حسد ولاحماقه
رزقي علي ربي اللي يرزق الطير=باب على الله فتحه وانغلاقه
ابغي قضاء الدين ياحثلان وعمير=وعندي تساوي لها لكزس وناقه

[علي الحبابي]

لاهنت يالحدالرهيف ولاهان حسين بن شتوي الحبابي

[الصويت الثبيتي العتيبي]

شكرا على النقل الجميل