الحب مهو شوكه وتنزع بمنقاش

[ابو وافي]

ايها الاخوه الاعزاء اضع هذه المتواضعه بين ايديكم
واتمنى ان تنال اليسير من الاستحسان

يا بنت انا وقتي حداني على الخيش = واشوف غيري مكتسي جوخ وقماش
شوفي وسومه لا تقولين من ويش = ون كان لك شرهه على حظي اللاش
نطرد بها الدنيا ورى لقمة العيش = احيان نلحق واكثر احيانها ماش
يابنت لو هي بالشجاعه وبالهيش = اكثرهم اللي يعجبك بارد الجاش
والله ما حبيت نزوه ولا طيش = ولاقصدي العب بك ولاني بغشاش
ولا فتني فيك حمره ولا ميش = ولا كفك اللي ناقشه نقش نقاش
يابنت حبك وسط قلبي بنا عشيش = من دم قلب اللي مغليك يعتاش
فـ بطينه الايمن وسايد من الريش = وفـ بطينه الايسر من السندس فراش
ان زاد نبضه قلت ياقلب بشويش = لا تزعجه ياقلب ويقوم ينحاش
دخل بوسطه دون عسكر ولا جيش = وحتل قلبي دون سيفٍ ورشاش
والله لو تدرين قديش قديش = يا بنت احبك ما تقولين بكاش
لو تطلبين القلب ما قلت لك ليش = لوكان منتي داخله كان ما عاش
لجل الله ولجل النبي صفوة قريش = ولجل الغرام اللي صفالك كما الشاش
لاتقولي انزع حبي ابك انزعه بيش = الحب مهو شوكه وتنزع بمنقاش