يابن سعيّد وقّفت بي على الموت///ماهي بتوقيفة رشيد الزلامي!!

[عيضه الثبيتي]

قصد مسنده للشاعر بندر بن سعيّد الثبيتي
/
/
/
/

يابن سعيّد وقــّفت بي على الموت=ماهي بتوقيفة رشيد الزلامي!!
البحر فه الّدُّر واللؤل والحوت=والمقبره فيها رميم العظامي!!
هذي ثلاث سنين والقبر تابوت=امكفنً فيه الهوى والغرامي!!
لكن جرّ الصوت ياطيّب الصوت=واقنب قنيب الذيب واسمع كلامي!!
قافٍ من جبال السروات منحوت=طرى عليّه قبل وقت المنامي!!
وأسندت يمك بالعدد عشرة بيوت=تاصلك قبل النور يجلى الظلامي!!
الشوق يحداني على جوّ بيروت=وأنا على بيروت جيعان ظامي!!
لكن فات الصيف ..لعلّه يفوت=وأنا مع التهمان كنّي تهامي!!
ول يابلآد الخوخ /والتين/ والتوت=الدرب شام/ وبارق الخير شامي!!
فكّر بها ثم أعطني علم مثبوت=وأسلم وسلّم يارفيع المقامي!!
وسلّم على /الشاطئ /وسلّم على /الموت=وسلّم على/ الشاعر رشيد الزلامي!!

وستجدون الرد في هذذا الصرح قريبًا


أخوكم /عيضه الثبيتي
9/11/1431هــ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[علي الثبيتي]

ماهـي بتوقيفـة رشيـد الـزلامـي!! هههههههههه صح لساااانك



وننتظر الرد من ابو خالد وصح لساااانه مقدماً

التوقيع

ماني بلا روقي ولا برقاوي = انا ثبيتي جد روق وبرقا

[نايف المغيبي]

قصيده رائعه وتستحق الاشاده
ولك تحياتي

[محمد النخيش]

لله درررررررررررررك

يابو فيصل ابداع على اصوله

صح لسانك حتى ترضى

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[خلف المطيري]

حيالله ابوفيصل صديقي سابقا كيف الحال عساك طيب ياخي مر علينا في قسم المحاوره

مايقند راسي غيرك هههههههههههه لالعبت معك احس اني شاعر

الشوق يحدانـي علـى جـوّ بيـروت
وأنا علـى بيـروت جيعـان ظامـي!!

الله الله

اثرك مثل اخوك صاهود من رواد بيروت

ذكرتني يوم حرب بيروت كنت حاجز لها وصارت الحرب وحقدت علي ايران وسوريا هههههههههه

وقلت ابويتات

متي علي الله يهتني شعب لبنان = سؤال وادور عليه الاجابه
هم وتشرد واغتيالات واحزان = حتي الشوارع كلبوها كأبه
مات الحريري والبلد صار دخان = وصارت قوانينه قوانين غابه
صار المواطن يبلع الذل ويّهان = وان قال كلمه فجرته العصابه
حتي الحكومه تابعوها من الان= لو تطلب الاحزاب ماهي مجابه
مادام نص الشعب محكوم ليران= والون يبقا للحكومه مهابه

والباقي ماني حافظه

من عرفتك يابوفيصل وانت جزل وماتجيب الا الجزل

صح السانك مليااااااااااااااااااااااااااااااااااار

وخلنا نشوفك فالطواريق

[مرزوق حمدان العتيبي]

..

جزاله وابداع لهذا الصوت يابو فيصل
وننتظر صداه
صح لسانكــ

ومداخلة ابو عبد الله رائعه وزادت النور نور
ومن يلومكم يا اهل بيروت
ههههه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد العتيبي]

ههههههههههه



الله الله الله



صح لساااانك يابوفيصل .. هيضتنا يامال السلامه



سجل إعجابي بما قدمت لنا ..وما تقدم



تحيتي لك
..

التوقيع

للتواصل عبر twitter تويتر al_bargawy@

[فايز بن سرحان الثبيتي]

يابن سعيّد وقّفـت بـي علـى المـوت
ماهـي بتوقيفـة رشيـد الـزلامـي!!


السهل الممتنع .. ابو فيصل "


لله درك على هالشامخه .. في انتظار كل جديد "


صح لسانك مليااار "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فهيد مقعد الرويس]

صح لسانك

يابوفيضل

وننتظر الرد

ولايستغرب الابداع من شاعر بحجمك

تحيتي وتقديري

[ابو فايح]

الله الله

يا ابو فيصل مره وحده على الموت



صح لسانك مدد بلا عدد

التوقيع

عالم تويتر abofayeh@