قصيدة في شيخ شمل قبيلة الشيابين

[الــعــرم]

قصيدة مهداه إلى شيخ شمل قبيلة الشيابين وأمير اللواء الثامن
الشيخ الامير / سلطان بن ماجد بن فهيد الشيباني


سلام يابن فهيد من قلب ولسان
سلام ياشيخ(ن) على الشمل كله
سلطان لاعدو هل الطيب سلطان
شموخ عز(ن) والوفاء مستحله
فيه الشهامه والتواضع والاحسان
وفيه الصفات اللي بغيره مقله
شيخ القبيله كلها طير حوران
وامير فوج ولاحملها سوله
يوم(ن) بعض الناس من دون عنوان
ماغير بشته فوق متنه يشله
ماهم بقد الصيرمي عالي الشان
اللي فعوله في النوايف مطله
شيخ(ن) نجيله كل ماثار دخان
يحمي بني عمه وحمله يشله
والله ماننسى ماقفه عند سلمان
يوم(ن) جدي في الشدايد زبنله
شيخ(ن) يجيله في المواقيف برهان
سيفه على صعب المهمات سله
يقود قوم(ن) في المواقف لهم شان
الاد مشيب واسمين الاهله
امارة جتله من اسلاف جدان
ماهيب امارة مال دقه وجله
ورث(ن) لبوه اللي له الطيب عنوان
ماجد ليا صارت عناد ومعله
ينطح طوابير(ن) و ينطحله اركان
من دون ربعه ماتجيهم مذله
يارد حياض الموت في كل ميدان
يمشي وربعه ماشين(ن) بظله
انا اشهد انه شيخ ورث(ن) لشيخان
شيخ(ن) مدلن من شيوخ(ن) مدله
ميت وذكره حي مع مر الازمان
يذكر بقولة نعم جاه(ن) ومله
ياجعل منزاله بروضات وجنان
برد وسلام ومنزله مايمله
خلف لنا شيخ القبيلة كحيلان
سلطان فعل الطيب من عادةله
شيخ(ن) وابن شيخن على شمل شيبان
حلال عقدن مالقي من يحله
وختامها ياجعله يدوم سلطان
للشمل دايم ثابتن في محله


الشاعر/ سلمان بن نايف بن جفين العرم


----------------------------------------------------------

[حمود بن خيشوم العصيمي]

كفو الشيخ سلطان بن فهيد

يستاهل المدح

صح لسانك ياسلمان العرم وافي وعلمك غانم

[نايل الوقداني]

صح لسانك,كفو والله ونعم تستاهل المدح يالشيخ

[قايد_السرب]

صح لسانك يابو نايف

ولا عدمنا حرفك

[مهند الشفيعي]

كفو ابن فيد

صح لسااانك يا سلمان

تحياتي