شعر الاصاله

[فهيد مقعد الرويس]

اليكم بعد السلام عليكم ابيات لتواصل مع هذا الصرح الشامخ

ياكثر مااسمع من قصيدٍ يفتقد حس القصيد=ياقايله لاتحسبن الشعر وزن وقافيه
لوتدعي انك فاهم ف الشعر عن فهمه بعيد=ولاكل من صفق لشعرك يعتبر عرافيه
ماتدري في وقتك هذا كثروا مشجعة الزهيد=والجزل في سوقه معاد يشجع الصرافيه
من يوم صارت مهنة التحكيم سهمه للبليد=واصبح يزاولها قليل العرف والانصافيه
ماعمهم لكن اخص مضيع الراي السديد=من صاوغ وجيه العرب ماقيم المحرافيه
والمضحك انه قام يقيم من يفوقه فالنشيد=وقام يتفلسف فالشعر ذي ناهيه ام نافيه
يخدع قليل المعرفه هذا هو الشعر الجديد=اخطا طريق مجددين المفردات الوافيه
وفتح مجال اهل الطلاسم يعساها ماتفيد=فااشعارهم تلقا صور لكن ماتنشافيه
بالمختصر عجزوا عن التعبير بالفن الفريد=شعر الاصاله كل صوره فيه تطلع صافيه
اليارسمها الماهر الحريف ياصف مايريد=يالي تحسبون الشعر مغير وزن وقافيه

وسلااااااااااامتكم

[نايف المغيبي]

فهد الرويس
قصيده جميله جدا وياكثر الي يحسبون الشعر مغير وزن وقافيه

[محمد العتيبي]

فهيد الرويس



قصيده رائعه جدا .. استمتعت بقرائتها



تحيتي لك
..

التوقيع

للتواصل عبر twitter تويتر al_bargawy@

[فهيد مقعد الرويس]

المشاركة الأصلية كتبت بواسطة نايف المغيبي

فهد الرويس
قصيده جميله جدا وياكثر الي يحسبون الشعر مغير وزن وقافيه

الاجمل تواجدك

يانايف

صدقت والله

تحيتي وتقديري

[فهيد مقعد الرويس]

المشاركة الأصلية كتبت بواسطة محمد العتيبي

فهيد الرويس



قصيده رائعه جدا .. استمتعت بقرائتها



تحيتي لك
..

الاروع تواجدك

يامحمد لاهنت

تحيتي وتقديري

[فهد رشيد الزلامي]

صـــــــــــــــــح لسانك يابو مقعد

وتقبل مروري وسجل إعجابي.

[فهيد مقعد الرويس]

المشاركة الأصلية كتبت بواسطة فهد رشيد الزلامي

صـــــــــــــــــح لسانك يابو مقعد

وتقبل مروري وسجل إعجابي.

يامرحبابك تراحيب المطر

يابورشيد

وصح بدنك واعجابك وسام لاهنت

تحيتي وتقديري