حضري يسب البدو والرد عليه

[فتى الهيلا]

قصيده لشاعر حضري يسب فيها البدو
ورد الرقعي عليه

قال الشاعر الحضري :

يا بـدو والله لـو تـميـل الـمـوازيـــــن == فـي صـفكم ما تدركون الزعامة

وأعلى الرتب والحكم والعلم والديــن == أصعب عليكم حوزتـه واستلامـه

وأنـتـم رعــايين سلايـل رعــايــيـــن == عـلامة فـيـكـم وبئس العـلامـــــة

خــالــقــكـم الله للـغـنـم والبـعـاريـــن == تـرعـونـهـا حـتى تـقـوم الـقيامــة

أطـيـبـكـم اللي يخــدم المعز والضين == والـنوق يـزود لـهـا في الخدامـة

أعـز عـنـده مـن هـلـه والـوراعــيــن == يـشـوف فـيـها المرجلة والكرامة

إن ربـعـت وإلا أخـذ الـطـعـم بالديـن == أبـدى عـلـيـه إطعامها من طعامه

يـشـيـل حـمـل الـديـن مـن غير تقنين == ما يـشـتكي لو جاير الحمل ضامه

يـبـرك لـهـا بـلـهـان وإلا بـلاهـــيــن == ما هـمـتـه لـو كان جـبـت سـنـامـه

نـاس عـلـى حـفـظ الحلال متواصين == فيكم على الرعية عزوم وقرامـــه

وصـيـة الأجـــداد للــمـستـجــديــــن == وش قال بركات الشريف بكلامــه

رعـيـان لــو أن أرصــدتكم ملايــين == عيا الزمن يرضى لكم باحترامـــه

والناس في عصر الفضاء يا مساكين == وأنـتـم رعـايا يا حياة النـدامــــــة

غـيـر الـشقاء والفقر والزفر والشين == يا بـدو مـا مـنها كسبتوا سلامـــة

ومـن لامـكـم فـيـهـا خرزتوه بالعيــن == حمراء وكثرتوا عليه الملامــــة

والـسـرق مـن عـادتـكـم يـابــداويـــن == فيكم جهل مطبق وفيكم غشامـــة

عــادتـكـم والـحـضـر عـنـهـا غنــيـن == ويشهد لنا بالخير والاسـتـقـامـــة

حــنـا لـحـكـام الـوطـن مـسـتـشاريـن == والأمر فـيـنـا نـفـذتـه وإنـبرامــه

صـحـيـح حـنـا هـل البقر والبـسـاتين == والبـدو يـتـهـمـونـنـا بالـرخـامــة

لـكـنـنـا عـشـنـا كــــــرام وعزيزيــن == ولا شـحـذنـا الشيخ فضلة يدامه

وأنـتـم عـلى بـيـبـان قصره معاطـين == فـي كل يـو م عـنـد بابه ردامـــه

طـبـع لـكم من حين ما هوب هالحين == حب الفخر والفخفخة والفخامـــة

جـدانـكـم بالـفـشـر عـنـد السلاطــيـن == دايـم مـنـاويـخٍ قـبـالــة خـيـامــه

على الركايب مثل رؤوس الشياطـين == اللي هلك واللي درك في المهامة

ترضيكـم الشرهـة ولـو هي ريالـــين == وإلا نمونة بـشـت وإلا عــمـامـة

ومن لا رضى معطاه يرضيه كـفيـن == ويقنعه مـن بعـدهن بالـنـخـامـــة

في المملكة عشتوا مـن سـنـين ودنين == ولا أحدٍ بها منكم رفيعٍ مقامــــه

خـذلـكـم الله بعـد مـا أنـتـم بـطـاغــين == ألامس من منكم يجهل نظامـــه

إما عـطـف للـسـيف وإلا مـسـاجــين == الحكم واجهكم بحزم وصرامــة

عـشـتـوا بعـد هــاك المــعـزة ذليلـين == كل من الذلة تراقل عـظـامـــــه

بعـــد التجبر والتكبر مــطـيـعـــيـــن == ومسالمين وقدركم في القـمـامـة





رد الرقعي :

ياللي تسب البدو حنا السلاطين 00 حنا هل التاريخ واهل الشهامه

وحنا عناوين الكرم ياالمساكين 00 وحنا هل الافعال واهل الكرامه

وحنا اهل البل مسسين العناوين 00 وحنا هل الطولات واهل الجهامه

وحنا هل الشيمات حاضر وذا الحين 00 وحنا البدو اصل العرب يانعامه

وحنا القبايل محتمين المخلين 00 ستر العذارى لابسات اللثامه

رجالنا الواحد يساوي ثمانين 00 يارد حياض الموت لاقام قامه

تلقى منازلنا من يسار ليمين 00 بيت الشعر مبني وجنبه خيامه

نمسي بدار ونصبح الصبح ماشين 00 من العراق نسوقها لاتهامه

ندور طول العام دايم محيلين 00 شرق وجنوب وغرب لاطراف شامه

نتبع هوى سود البكار المزايين 00 الغاليات المكرمات بعلامه

ولانت ياراع البقر والبساتين 00 مكسوره عيونك عليها غمامه

يوم انها سلب ونهب مالك يدين 00 نربطك برباط البقر في ثمامه

وندوس وجهك صدر الاقدام بالطين 00 ونتفل بوجهك ونتوطاك خامه

واللي بيفتن منكم صوط صوطين 00 يطيح ويحب التراب انهزامه

حنا خلقنا الله عقوبه وشرين 00 على الحضر قمنا نصب القمامه

نشرب من الماء ماحسبنا حسابين 00 نارد على الماء ماحسبنا غلامه

ونحوشكم ياالحضر حوش الخرافين 00 مامنكم اللي فوق راسه عمامه

ونجركم مع كل سكه مساجين 00 كل على وجهه مواري ندامه

البدو سيف ورمح خنجر وسكين 00 رشاش بندق نار دايم حزامه

والحضر ماء صحه ورمانه وتين 00 جحه وخوخ وبرتقال وحمامه

قبل الهلك عبدالعزيز حالكم شين 00 معروف بأولكم شيوخ الرخامه

واصبحت ياراع البقر شيخ وامين 00 وريس وقايد بالعدل وانتظامه

واليوم يوم الامن عم المسلمين 00 وكل عرف حقه وثمن كلامه

تبي تذم البدو والبدو قاسين 00 ماتدري ان البدو اصل الزعامه

والله لتبطي وانت حبحب وسكين 00 اخذ على كيفي واقصك طمامه

أبنيك في طنجه وصنعاء وبكين 00 وأهدمك في بغداد بعد المنامه

واعلنك في مأرب وحمص ودارين 00 وأطلع على الشاشه ليوم القيامه



الشاعر : الرقعي

[ابو فالح]

ولانت ياراع البقر والبساتين 00 مكسوره عيونك عليها غمامه

يوم انها سلب ونهب مالك يدين 00 نربطك برباط البقر في ثمامه


----------
والله لتبطي وانت حبحب وسكين 00 اخذ على كيفي واقصك طمامه

صح لسان الرقعي

والله ماقصر فيه

خخخخخخخخخ

[((الدلبحي))]

صح السان الرقعي

ويعطيك العافيه

تحيااااااااااتي

[داهية عتيبة]

فتى الهيلا

يعطيك العافيه

[مروي العطاشا]

مشكووووووووور

رد عليه وزيادة

[ش. الهاجري]

ولانت ياراع البقر والبساتين 00 مكسوره عيونك عليها غمامه

يوم انها سلب ونهب مالك يدين 00 نربطك برباط البقر في ثمامه


----------
والله لتبطي وانت حبحب وسكين 00 اخذ على كيفي واقصك طمامه

صح لسان الرقعي

والله ماقصر فيه

الحضر يحسون بالنقص فلا تلومونهم في سب البدو

والبدو واثقين من انفسهم ولا يبون ينزلون انفسهم كما يفعله الحضر

ولكن اذا اخطأ الحضري يا ويل ويله يولاه تمنى ذاك اليوم انه ما تكلم ولا سب البدو

ليش لانه ما هوب كفؤ

[اصيل]

ليتك ذكرت لنا من هو القائل....
اصيل...

[فتى الهيلا]

ابو فالح


((الدلبحي))


داهية عتيبة


مروي العطاشا


ش . الهاجري


اصيل




اسعدني مروركم
وتعقيبكم

شاكراً لكم


((و قد رد اكثر من شاعر على قصيدة الحضري
اتمنى من عنده شيء من الردود اتحافنا واتحاف القراء بها ))