مرزوق المقاطي وصقر سليم

[زبن القاضي]

مرزوق المقاطي

البقيلي ودنا ناخذ علومه وش يجيب مـن العلـوم ووش يـودي
عن كثير الهرج تكفينا الاشاره والبقيلـي حـر يفهـم بالاشـاره
كلنا دون العلم شعب وحكومه ذود عن حدك وانا من دون حـدي
شاور الخيره وصل الاستخاره يمكن الخيره تجي فـي الاستخـاره

صقرسـلـيـم

ان بغيت العلم كـل ٍ فـي لزومه..يالمقاطـي لاتميـل ولاتعـدي
واعرف ان النار تالع من شراره..كم حريقه مبتداها من شـراره
من وقف دون العلم ماحد ٍ يلومه...احفظ اسرارك وانا ماباح سدي
عندنا بشـت الامارةوالامارة..لاتزحامنـا علـى بشـت الامـارة

مرزوق المقاطي

انت ودك بالمعاند والخصومه.. ولا انا ياصاحبـي ماهـوب ودي
وان بلينا بك وفي راسك نعاره طق راسي كان في راسك نعـاره
البقيلي قام ينخا روس قومه.. بار في ووقـف السلمـان ضـدي
وان نشدته قال في كبدي حراره توي ادرانه علـى كبـده حـراره

صقرسـلـيـم

كل مخلوق ٍ على قده هدومه..وانت لاخويه ولانت بصلـب جـدي
ان نويت انهيك يابرج التجارة..راح راسك روحة ابـراج التجـاره
تخدمون الناس والناس مخدومه.والبدو من طبعهـم بـدك وبـدي
لاتقولون التطور والحضارة..يابـدو ماحاسكـم غيـر الحضـارة


مرزوق المقاطي

مايموت الادمـي قـدام يومـه.. لا تهددنـي تـرا منتـه بقـدي
نقمع اسرائيل لوهو بالحجاره .وانتم أعرف بالجبـال وباالحجـاره
لا تقول الناس ياصقر محرومه.. وانت مفطر ومتعشي ومتغـدي
تحسبنك داب حجرف وسط غاره .يوم جاه الرزق عنده جوف غاره

صقرسـلـيـم

فرق مابين الخشونه والنعومه ..لاتطالع فوق والوضـع متـردي
تدعي بالربـح والناتـج خسارة..والنهائـة ياخسـارة ياخسـارة
انت يالسواق راسك فيه حومه..تصدم الظلعان ماتعـرف تهـدي
لوطلبنا منك رخصة واستمارة..لامعك رخصة ولامعـك استمـارة

مرزوق المقاطي

لا تشب النار بين أبنا العمومه .لو بغيت ارد لـك صعـب مـردي
المدير ليا ومر يمشي قراره .والغشيم ليـا ومـر يلغـى قـراره
سايقن حتى البحر يقدر يعومه .لو في موج البحر جزرن ومـدي
خل دعوانا تحت حيد الستاره .قبل تزعل منـك وتزيـح الستـاره


صقرسـلـيـم


كان قلبك ماتريح من همومه.مـن كثيـر الهـم لابـده يصـدي
القرار ايجيك صادر من وزارة..وانت ماترفض قـرارات الـوزارة
يالعتيبي ويـش وداك لتنومه.احسبنـك مـن ديـارك ماتشـدي
واحد ٍ يرضـى بـدار ٍ غيردارة..لايلـوم الـدار لـو يجفـاه دارة