وكان ماحفت القوافى وجبت بها قفر*خير من جيبة هزيل الكلام الاعتزال

[الحطيم]

قصيده للشاعر:عبدالله بن سعد المقاطى
اتمنى ان تنال اعجابكم
______________________

هاض بالى بالمثايل وهاجوسى زفر=زفرة اللى فيه من كل هم وضيق بال
كل ما قفلت امر ينفتح لى باب امر=ويش اقول وكل موضوع له هم لحال
هم سند بى وهم يحدر بى حدر=وهم لقابى جنوب وهم اشمل شمال
كل ماجيت اجمعه راح فالراس شعثر=كيف ابا اجزم بالجواب انه لذاك السؤال
ياغرابيل الليالى ويا حيف الدهر=ماتحمل نفس مخلوق فوق الاحتمال
استفزيت المشاعر وغايبها حضر=حضرة الفارس ليا طب معمعة القتال
سل سيفه واحتسى للمراجل والظفر=دون ميقافه يزيد الغضب والانفعال
لو ما اهدى هاجسى كان يمكن ينفجر=مثل ينبوع تفجر بصافى الماء الزلال
انحت المعنى كما النحت فى صم الصخر=والشوارد لقحت وانجبت بعد الحيال
وكان ماحفت القوافى وجيت بها قفر=خير من جيبة هزيل الكلام الاعتزال
وكان ما وشحتها بالجواهر والدرر=مثل توشيح المزايين وقت الاحتفال
والا والله لتجنب طواريق الشعر=مالها خانه ولو كان قيل فلان قال
ياهبوب النود هبى وجيبى لى خبر=ربما والا عسى ينفتح باب ومجال
واعزفيها يانسايم ترانيم ووتر=جاوبى لحن البلابل على روس الطوال
واسعفينا بالكلام المفيد المختصر=لين اثبت ماقفى مع كريمين السبال
شف بالى مع هل الكار عالين النظر=فزعة الاسلام لا جاء الرشا فوق المحال
مايزيدون الفتى غير تشريف وفخر=من مشى معهم لابده لمقصوده ينال
رفقة الطيب تغسل الكبود عن الكدر=مايجى من كامل المرجله غير الكمال
كم ولد حر ثلاثه وثنتينه عشر=فى مجال الطيب والمرجله مضرب مثال
والردى لا تجعله حزة اللازم ذخر=عزتى للى حزامه طراميث الحبال
من تحيزم بالردى خاب مسعاه وخسر=شجرة ما ذكر فيها ذرى ولا ظلال
ان كذب عليك ولا تغفلك وغدر=يقطع الرفقه ليا صار تاليها وبال
والعرب شتان مابين عمران وعمر=وهبة من عند معطى العطيات الجزال
احد حزامه رصاص البلاجيك الحمر=شيب عينى من تلظيه بوسوط الرجال
من تحيزم فيه داس المهابه والخطر=دوسة الرجل العنيفه على كبد النعال
والكمر ياحسيف اللى تحيزم بالكمر=سعر ابو عشره يساوى لبو خمسه ريال

[دريد ابن الصمة]

من تحيزم بالردي خااب مسعاه وخسر = شجرة ما ذكر فيها ذرى والا ظلال


سلمت يمناك يا يوسف...
وصح لساان الشاعر عبدالله بن سعد المقاطي ...
وتقبل تحياتي ....

[مروي العطاشا]

صح لسانك ولسان الشاعر عبد الله سعد المقاطي