تعال يا مطني ونعطيك الوسام

[ابراهيم الجـــــذع]

السلام عليكم ورحمة الله وبركاته

تعال اقرب هنيا يا مطني=وصلك العلم رد العلم عني
وراع العند ما هو بمتهني=على شاط البحر مرسى السفينه
تعال يا مطني ونعطيك الوسام=يا الصاحب اللي تستحق الأوسمه
اكرب حزامك كان في وسطك حزام=الشاعر اللي ما تراخا محزمه

التوقيع

الذم ما يهفي للأجواد ميزان=والمدح ما طول قصار الأيادي

[مطني الحافي]

والله اني في المسجد يوم انك بدعت

مطني يوم تزهم في صلاته=عسى ربي يزيد من حسناته
ولكن هات باق العلم هاته=على شط البحر ترس السفينه
الاوسمه وشلون تعطى في كلام=بالله هاذي ماتسمى مضلمه؟
حرام ربط المحزم وحنا صيام=مار الوعد لين الصيام انتممه

[ابراهيم الجـــــذع]

اظن إن الجمل تسمع ضريسه=وشفت الحر فعله فالفريسه
بعد ما حاسها راحت حويسه=علـى شـاط البحـر مرسـى السفينـه
اللي وصلكم يا ولد حسب النظام=والضيف كلٍ بالكرامه يكرمه
أنتم تعرفون الحلال من الحرام=مير الحلال اليوم كيف تحرمه

[برررق الحيا]

الابداع يتكرر هذه الليلة ولكن في متصفح آخر يبدع مواله وطاروقه ابراهيم الجذع طالبا مطني الروقي

صح السان ابراهيم الجذع المعزب وصح السان الضيف مطني

متابعين ومنظمين للصفوف والشوق يحدونا إلى الابداع

ولاهنتو

[ابراهيم الجـــــذع]

هلا وغلا أخوي برق الحيا

دايم تنور المتصفح بتواجدك يا الغالي

صح بدك والصفوف تزهابك يا الذيب

[مطني الحافي]

تقول الصدق وتعد الحقيقه=انا شفت المطافي والحريقه
ولااحسن من طريقتنا طريقه= على شط البحر ترس السفيه
بعد التحيه ياعتيبه والسلام= هاذا الجذع ياجعلنا مانعدمه
اسمع كلامي يالكريم ابن الكرام=لاتجرم الا فالعباد المجرمه

آخر تعديل مطني الحافي يوم 05-Sep-2010 في 05:41 AM.

[مطني الحافي]

برق الحيا

ارحب ارحب

[ابراهيم الجـــــذع]

تشوف الأرض رايحةٍ قزازه=من أخيالاً جمع نتره وفازه
ولو بعض البشر مثل الجنازه=علـى شـاط البحـر مرسـى السفينـه
طاح المطر يا صاحبي طار العسام=ومحمد محمد ما هوب مسيلمه
مال الزحام الا رياجيل الزحام=من لا رحمه الله محدٍ يرحمه

[مطني الحافي]

عساها لامطرت تمطر علينا=انا وانته وباق المسلمينا
ولاتمطر بدار ابن اللذينا=على شط البحر ترس السفينه
طاح المطر ياصاحبي ولا كلام=كم واحدن من العطش يابس فمه
الطق يثر فالحديد وفاللحام=افهم كلامي يالعتيبي والزمه

[مطني الحافي]

ابراهيم الجذع

وش حيلتنا في السحور؟

صح لسانك يامبدع

والله لايهينك