سلام تسليم وافي (الطارف)

[محمد صالح العطاوي]

سلام تسليم وافي من ضميرا صدوق=اقولها والرجال تعرف مضمونها
يوم ابتدى الليل ياهل العرف هاض الخفوق=وناس(ن)تبا النوم واخرى تسهر عيونها

[شهاب العطاوي]

يامرحبا من ضميرٍ للمعاني شفوق =لكن مدري ياروقي معك وشلونها
السالفه يامحمد من وراها حقوق =ياجمرةٍ ماطفت في وسط غليونها

[محمد صالح العطاوي]

الك البقا يالمرحب والدعاوى تفوق=والسالفه جاتكم وانتم تعرفونها
الطيبه ياوسيع العرف في كل سوق=لاتقوللي ياولد وشلون تلقونها

[زياد العصيمي]

الله الله
صحت السنتكم وااصلوااااااا
ومتااااابع

[شهاب العطاوي]

اغصانها فالسما ومثبته بالعروق =الشجره ام الفروع اللي تشوفونها
ياثمرها اللي تلاشى في يدين السروق =علم رجال الحمية لايخلونها

[محمد صالح العطاوي]

البال وش فيه يافكاك عيا يروق=مدرى تفك النشب والا تزيدونها
نظرتك خلها ياصاحبي دوم فوق=والهقاوى توقع لاتجي دونها

[شبل القبيله]

عداكم العيب


وااااصلووووووو

[شهاب العطاوي]

ان كان منته بداري لاتغن الطروق =وش فايدة فالطروق اللي تغنونها
انته يكفيك منها ذوقها لو تذوق=وغيرك رجالٍ دواهي تملي بطونها

[محمد صالح العطاوي]

من فوق راسك يابو عرام لاحت بروق=وش ينفعك لاتعدتكم تخيلونها
منته لبنت الهلالي فاليالي بشوق=بنت الهالي نعرف اليوم مجنونها

[شهاب العطاوي]

لو ماني بذخر روق وصاحبي ذخر روق =لقول كلمه جميع الناس يوحونها
اللي بقلبه حروق وسط كبده حروق=ماعاد تبرى حروقه لو يداوونها