رشيد الزلامي >><< عبدالله الميزاني...

[الشاماني.]

,

,,

,,,



السلام عليكــم ورحمة الله وبركاته..




صباح الخير يا روّاد هذا الصرح الشامخ..



عندي استفسار بسيط..









رشيد الزلامي ><عبدالله الميزاني

...

بحثت في بعض مكاتب الشعر وبعض المنتديات فلم أجد لهم أي محاوره!




هل حصلت بينهم مواجهه ف الميدان ؟



وألي عند محاوره للشاعرين أتمنى أن ينقلها في المنتدى..



....

[لماح]

نعم كلامك صحيح


انا ما لقيت إلا محاورة واحدة فقط بينهما



قد تكون هناك بينهما اكثر من محاورة ؟!!



لكن المحاورة الوحيدة اللي لقيتها واللي بعدها ما تقابلوا ابد



هي محاورة كانت عند القحاطين





ولا ادري ليش الزلامي قطع الطاروق






عبد الله الميزاني



سلام الله سلام ثبات وشرع مشروع = اقوله عند قحطان موفين الضيافه
بغى يذبح رشيد الظمى والبرد والجوع = ولا صدق ببرد السحابه لين شافه



رشيد الزلامي



هلا يا شاعرن له سنين وشهر واسبوع = ندفه قدم وترده الدنيا خلافه
ليا جينا بديرة نطق عشرين جربوع = وسواق يفحط ويحسبها حرافه




عبد الله الميزاني

انا يا صاحبي لو بغيت امنعك ممنوع = لكن ارتاف بك كان تبغالك ريافة
انا اظنك حديد النظر والقلب مطبوع = زلاميا مخرف وانا ما ادن الخرافه





بعدها قطع الزلامي الطاروق بسرعه ! وغير مع ابن شايق وسط اعتراض من عبد الله

[الهضبي]

شكرا للشاماني وللماح

وواضح من ابيات رشيد انه غير مرتاح للميزاني ولا يريد اللعب معه وكذلك يرمز رشيد في قوله " وسواق يفحط ويحسبها حرافه " الى أن شعر الميزاني ليس بشعر

ولكن رشيد غير القاف لأن الميزاني يقول : انا يا صاحبي لو بغيت امنعك ممنوع

ولقوة شخصية رشيد وكأنه يقول : من أنت حتى تمنعني ...!

تمنيت ان تستمر لأن الاثنين دهاااااااااة شعر

[الشاماني.]

لماااح.


بيض الله وجهك.. ما قصرت..



تمنيت استمرار الطاروق ,,وغريبه الزلامي يقطع الطاروق!




لا هنت يا لماااح.. وليتك توافينا بتاريخ المحاوره..

[الشاماني.]

المشاركة الأصلية كتبت بواسطة الهضبي

شكرا للشاماني وللماح

وواضح من ابيات رشيد انه غير مرتاح للميزاني ولا يريد اللعب معه وكذلك يرمز رشيد في قوله " وسواق يفحط ويحسبها حرافه " الى أن شعر الميزاني ليس بشعر

ولكن رشيد غير القاف لأن الميزاني يقول : انا يا صاحبي لو بغيت امنعك ممنوع

ولقوة شخصية رشيد وكأنه يقول : من أنت حتى تمنعني ...!

تمنيت ان تستمر لأن الاثنين دهاااااااااة شعر

المفروض يرد رشيد على بيت الميزاني ان كان يشوف فيه شي ولا يغير القاف..



لا هنت على المرور

[الجوراسي]

ارفعك يانفسي واعزك عن اللوم ^^^^ من شبتي واليوم وقت المشيبي

هذا ديدن الشعار الكبار

الترفع عن سفاسف الكلام

واذا كان عبدالله هذه اول مواجهه مع هرم الشعر الزلامي وهو رجل كبير في السن وفي الشعر وفي المرجله فما بالك بالمواجهات الاخرى

...........

خير مافعل

[لماح]

ارفعك يانفسي واعزك عن اللوم ^^^^ من شبتي واليوم وقت المشيبي

هذا ديدن الشعار الكبار

الترفع عن سفاسف الكلام

واذا كان عبدالله هذه اول مواجهه مع هرم الشعر الزلامي وهو رجل كبير في السن وفي الشعر وفي المرجله فما بالك بالمواجهات الاخرى

...........

خير مافعل

اخوي الجوراسي




عبد الله الميزاني لم ينزل في المحاورة حتى يمتنع الزلامي عن اللعب



بل ان الزلامي لعب مع شعار نزلوا في المعنى ومستوى المحاورة أقوى من هالطاروق !! ولم يقطع الطاروق



لكن لماذا يقطع الطاروق مع عبد الله .؟؟؟!!


هذا دليل ان هناك مشكلة شخصية بين الزلامي وعبد الله


هم شعار كبار وأتمنى أن يتقابلون قريبا حتى نستمتع بمحاوراتهم ..

[ابوتيجان]

انا اظنك حديد النظر والقلب مطبوع = (زلاميا مخرف وانا ما ادن الخرافه)

هذا مهوب بعيد عن بيت بن شايق لمستور ( ياذيب يانباح )


وانا مع موقف مستور والزلامي من قفل باب اللعب معهم

لان المعروف كل شاعر جديد على الساحة اول مايعلب معه الشاعر المعروف يختبره وينتظر منه خصم البيوت شعريا حتى يشوف مدى فهمه وتركيزة وخصمة للبيت وليس الهروب عن معنى البيوت والتهجم على اشخاصهم


هذا مثل اللي في المقابله الشخصية مايعرفه المسئول ثم لاقام ينشده يشوف قدراته في التركيز والرد على حسب السوال ثم مايدري غير مسكه بحلقه هههههههههههههههههه مارد على سواله وش بيسوي ضنكم يكمل المقابلة معه ويتماسكون بالحلوق واحد مسئول ومعروف وواحد ساع جاهم مع الباب
ولا يقول وابك وش هالمجنون اللي طمر علي انشده اباه يجاوب على قدر السوال مار ترك الجواب وطار في حلقي لاعاد تشوفه عيني ولايجيني ولاجيه

آخر تعديل ابوتيجان يوم 04-Aug-2010 في 12:04 AM.

[لماح]

لان المعروف كل شاعر جديد على الساحة اول مايعلب معه الشاعر المعروف يختبره وينتظر منه خصم البيوت شعريا حتى يشوف مدى فهمه وتركيزة وخصمة للبيت وليس الهروب عن معنى البيوت والتهجم على اشخاصهم


هذا مثل اللي في المقابله الشخصية مايعرفه المسئول ثم لاقام ينشده يشوف قدراته في التركيز والرد على حسب السوال ثم مايدري غير مسكه بحلقه مارد على سواله وش بيسوي ضنكم ينجحه ولا يقول وابك وش هالمجنون اللي طمر علي انشده اباه يجاوب على قدر السوال مار طمر علي ومسكني بحلقي ههههههههههههه

ابو تيجان




هذا ليس مبرر ان يقطع الزلامي الطاروق بهذي الطريقة الغير جيدة ؟!



الزلامي تعرض لهجوم أعنف واشرس من عبد الله ولم يقطع الطاروووق


والامثلة كثيرة



لكن كما ذكرت السالفة شخصية ..

[ابوتيجان]

المشاركة الأصلية كتبت بواسطة لماح

ابو تيجان




هذا ليس مبرر ان يقطع الزلامي الطاروق بهذي الطريقة الغير جيدة ؟!



الزلامي تعرض لهجوم أعنف واشرس من عبد الله ولم يقطع الطاروووق


والامثلة كثيرة



لكن كما ذكرت السالفة شخصية ..

اجل المبرر ان يقول شاعر معروف مضى حياته في هالموروث لشاعر اول مره يشوف لا انت المهبول وانت المخرف وانت فيك وفيك!

لونه شاعر معروف وقد لعب معه اكثر من مرة نقول لو رد الزلامي بنفس الطريقة او بطريقة اكثر دبلوماسية مافيها شي

لكن شاعر اول مره يشوفه ويقابله ويقوم يجادله في مثل هالكلام نقص في حقه ومنقود عليه