مضحي العلوي ومحمد البدراني

[محمدالنفيلي الحربي]

محمد البدراني=
سلام الله سلاماً فيه مزح وفيه بعض عتاب=على سلم الرجال اللي لهم بالطيب منزالي
إلا يا مضحي الجمران قبل أيام جاك كتاب=تجاهلته ولاجاني يا مضحي رد مرسالـي
مضحي العلوي=
هلا يامرحبابك ياشنب في ملتقى الاشناب=نرحبك بمجلسهم هـلا ياطيـب الفالـي
الا ياطيب الخوه اظنك تعرف الاسبـاب=وشرحي للقضيه كامله ماقنعك ياخالـي
محمد البدراني =
لعل ابك البقاء يا عقب قوماً تلطلم الاجناب=الى قيل القاء معكـم تهيـب كـل خيالـي
الى منك وعدت بكلمتك وانته عريب انساب=ورى ماجتني رساله تبين كـل الاشكالـي
مضحي العلوي=
لعلك ماتهون ونذكر اللي حازو الاعجاب=بياض الوجه يغشى لابتك جزليين الافعالي
تراء الموضوع باقي يامحمد ماقفلنا الباب=تقول اللجنه الموضوع يبي جلسة اعمالي
محمد البدراني=
عطاك الله سيفاً لو تضرب فيه جبل لانصاب=لكن الذاهبه ضاعت علينا بالخـلا الخالـي
حرام تطب سوقاً مشتهر بين العرب ينهاب=على السوق البقر بعها يا مضحي لو بريالي
مضحي العلوي=
تراء الدعوه سياسه ماتجي بالشلف والمشعاب=حفظنا الذاهبه بالشبـك لكـن طـول البالـي
مدامك دارين وش سر حبستها عليك حسـاب=وسلعه ماتجمـل ماتجـاب لسوقنـا الغالـي
محمد البدراني=
انا الى قلتو كلاماً لي اقول هذا الصواب=وإلا ترى من غيركم ماسمع صوت قوالي
أنا سرحتها بديار حرب ولاعلي اصعـاب=ولو كانت بديرة قوم اشب النار وصالـي
مضحي العلوي=
ليا منك سمعت اللي نقوله فانت فالك طاب=لعلك بعدها يالقرم تراقـا راس ماطالـي
مدامت في حمانا ضافيٍ من فوقها الجلباب=ولكن لو تغادر جيت متحسف تشكوالـي