العــزه العــزه

[غالب ابو كتيفه]

السلام عليكم ورحمة الله وبركاته


اسعد الله اوقاتكم بكل خير

أهنئكم بحلول شهر رمضان المبارك

جعلنا الله وإياكم ممن يصومه إيماناً واحتساباً


كما اتمنى ان تتقبلوا هذه الابيات كمصافحه أولى وجسر تواصل معكم

للرمح ركزه وصيد الفكر اله فزه= والحظ يغيب تاره ويحظر تاره
الطيّب اقدّره بالحيل واعزه= واقوم في لازمه لو طال مشواره
والمزح اله حزة ٍ والجد اله حزه= واللي بيمناه اخذ ما رد بيساره
والكون ما غيّره والضلع ماهزه= طلاسم مشعوذين وهذر هذاره
يا نفس عزتك ما يوصف بها عزه= لو انك اكبر عدو بالسيّه اماره
لابد تبقين محشومه ومعتزه= اليا ارخص الرجل نفسه قل مقداره
ان كان ماهو سليم الفكر ومنزه= ويشن ضد الردى واهل الردى غاره
وش هي له البهرجه وش هي له الرزه= لا صار عن شبر غيره تقصر اشباره
العزه العزه الله ينصر العزه= والذل لا رحم لابوه ولابو عاره
الفقر لو اله اثر ما شفت اهل غزه= يواجهون الرصاص الشقر بحجاره
يحز في خاطري ويجود الحزه= ابن الحموله ليامنه طفت ناره
اليا تدنـّّا وضرّاها على الدزه= اما ورا صاحبه ولا ورا جاره
والعزه العزه الله ينصر العزه= والذل لارحم لابوه ولابو عاره

.