الشاعر مرير الحبيل وقصيدتـه في البهيجي

[خيال الجريبا]

بسم الله الرحمن الرحيم

هذا القصيده لشاعر الكبير / مرير الحبيل

في رجل الاعمال الكويتي الشيخ / ضيف الله نهار البهيجي العتيبي


الطيب ماله مع هل الطيب حسَّــاب
ويطرب له الرَّجال من طيب ناعه

وفعـَّالة الماجوب من دون غِـيـَّـاب
تَـرفع له البيضا بروس الرفاعة

يا أهل النوايب يا عريبـين الأنساب
إلكم علينا اليوم سمعن وطاعة

ياللي برزتم بين الأصحاب وأجناب
فزتم بكل الطيب والطيب ساعة

والكيف له بين الرجاجيل شــرَّاب
ويبـين الوافي فعايل ذراعه

والنعم له بين الرجاجيل كسَّــاب
والطيب ضيف الله يشيِّـد شراعه

للمرجلة هاوي وعاشق وخطـَّاب
ولا يدفع الرجال كود القناعة

البيض تنشر له على فتحة الباب
ترى أكبر الناموس جمع الجماعة

تنشر له البيضا على كل مرقاب
ويستاهل التمجيد عبر الإذاعة

وغير الكرم ترحيب مع ضحكة الناب
وعن الردى عنده حصون ومناعة

ما يظهر الرَّجال فعله إليا هاب
والمرجلة تحتاج عزم وشجاعة

نار المراجل جاله القرم شباب
وراع الكرم دايم يقدم متاعه

ويبرز اللي منا حصل حزم كـَلاَّب
ويشبر مع الأبواع ويزيد باعه

وجمعتلك صفوة شباب وشِـيَّـاب
ومشايخن لا وافقولك طماعه

وينومس العتبان فعلك والأصحاب
وتحسبلك الأفعال مثل الشفاعة

وغنيت من دافع مواجيب وإعجاب
وعندي على ما أقول عرف وقناعة

[مشاري الحبردي]

صح لسان الحبيل


ولاهنت على النقل

[محمد العتيبي]

ونعم في ابن عتيبه السيد / ضيف الله نهار العتيبي

رجل الاعمال المعروف


له مواقف جدا مشرفه مع ابنا عتيبه وغيرهم


وصح لسان الشاعر / مرير الحبيل


على القصيده الرائعه


لاهنت على النقل الرائع


تحيتي
..

التوقيع

للتواصل عبر twitter تويتر al_bargawy@

[خالد بن مورق]

صح الساااااااااااااااااااااان الشاااااااااااااااااعر