أول مشاركة ( عصر الذئاب ) هي إهدائي لكم

[عبدالله يوسف الهدلان]

السلام عليكم ورحمه الله وبركاته

ابارك لكم ولنفسي قرب حلول شهر رمضان الفضيل

راجيا من الله ان يتم عليكم الصحه والعافية وان يتقبل صيامه وقيامه


,



أهديكم هذه القصيدة المتواضعة العفيفة أرجوا أن تحوز على رضاكم وأخص بالذكر


جميع ابناء العمومه والأعضاء الكرام في هذا المنتدى الشامخ

دمتم بكل خير

وَلْ ياعصر الذيابه والصريف=وْهِبّ ياذيب(ن)عَرَفْ يحيا بها
يوم دوره مايجاريه الحصيف=والعرب ما تطعن بأنسابها
راح يبحث مايبى هيل (ن) وكيف=همَّه الأول بْفَرس اذنابها
الغدا شرَّق وهُو شَمَّل هَرِيف=والقوايل نَار من يَاطى بَهَا
كِل مايرسِي على صيد ويحيف=تنزع حظوظه جميل ثيابها
الشجاعه مالها كـم (ن) وكيف=لكن صروف الزمن واتعابها
لو ذراعك يستوي خنجر وسيف=رزقك اللِّي إنكتب بكتابها
لاتحاول بالغنم خَلَّكْ شريف=والضعاف أغلق عليها بابها
والقوي لاجاك مارحَّب بضيف=لا تحسّب للئيم حسابها
مزِّق ضلوعه وكِل يَاَمَا تعيف=مالخشمه غير واطِ ترابها
الفُرَص مثل المنايا للضّعيف=والشّجَاع اللِّي هَتَكْ جِلْبَابَهَا
بين برد وبين حر وبين صيف=السُّحُب من شافها حيَّا بَهَا
لَكِنَ الذيب بْخَيَاله كمّ طيف=رَكّبة رب البشر باصحابها
الغنم ومْن البشر بس السخيف=يقطع الذيب الشريف رقابها

[فهد علي العازمي]

صح لسااااااانك
والله يحييك بين أخوانك
ويشرفنا وجود شاعر مثلك بيننا

[عبدالله يوسف الهدلان]

المشاركة الأصلية كتبت بواسطة فهد علي العازمي

صح لسااااااانك
والله يحييك بين أخوانك
ويشرفنا وجود شاعر مثلك بيننا

صح بدنك اخوي الغالي // فهد العازمي

ويحيك رب البيت ومن نهر الجنان يسقيك

دمت في تألق




مودتي