القحطاني رايد استلم .. يا رايد اقرب ترا ليلك طويل !! ..

[الصميدع المقاطي]

بسم الله ..

يا رايد اقرب ترا ليلك طويل=ما عاد فيها مجامل يا ولد
في عام تسعه وستين الدليل=وسط الف ميتين هجري فالبلد

[ابراهيم الزراقي]

بدر صح لسانكـ


بدعه حلوه ننتظر رد رايد

[الصميدع المقاطي]

صح بدنك يا ابراهيم

وبنتظاره

[رائد الكيرعاني القحطاني]

مرحبا بك يا بدر



توكلنا على الله ...

الله يساعدك يا هذا العميل = وتقوّم البيت وتزيد العمد
هاك الزمن وش تحطّ ووش تشيل = تبغى تجاهد ولا عندك جهد

[رائد الكيرعاني القحطاني]

ابراهيم الزراقي



حضورك أحلى ...



لاهنت

[الصميدع المقاطي]

تبقى

من ضاع فالدرب يلقى له دليل=وان كنت ضايع تا تبشر بالسعد
هاك الزمن يا قحطاني كم قتيل=وبعض البشر دفن من دون اللحد

[شداد المري]

بدر

في عـام تسعـه وستيـن الدليـل
وسط الف ميتين هجري فالبلد

رايد

هاك الزمن وش تحطّ ووش تشيل
تـبــغــى تــجــاهــد ولا عـــنـــدك جـــهـــد

ياسلام فتل ونقض رائع


صح السنتكم

انا جايً ابا امسك صفك ياجاااااري

لكن الدعوى فيها عنصريه وانا محلفي في صف عزوتي

ازهل الصف يارايد موجً يموووووووج

[رائد الكيرعاني القحطاني]

حنا عطيناك شهد وسلسبيل = والظاهر انك تدوّر للنكد
الصدق هاك الزمن مالك مثيل = على المصايب معك صبر وجلد

[رائد الكيرعاني القحطاني]

ابو حمد



اشهد ان الصف يزها بك يا محزمي جعلني ما اعدمك





لك تقديري وتحاياي





لاهنت يالغالي

[الصميدع المقاطي]

المشاركة الأصلية كتبت بواسطة محمد المري

بدر

في عـام تسعـه وستيـن الدليـل
وسط الف ميتين هجري فالبلد

رايد

هاك الزمن وش تحطّ ووش تشيل
تـبــغــى تــجــاهــد ولا عـــنـــدك جـــهـــد

ياسلام فتل ونقض رائع


صح السنتكم

انا جايً ابا امسك صفك ياجاااااري

لكن الدعوى فيها عنصريه وانا محلفي في صف عزوتي

ازهل الصف يارايد موجً يموووووووج

صح بدنك يا محمد ويستاهل رايد