بعد قدوم موسم الربيع ذهب عواض أبا الكحل العتيبي عساس يدور الارضي المربعه وفي اثنا طريقه شاف البيوت وسئل احد الماره منهيله هالبيوت قال هاذي ابيوت الشيخ متعب ابن جبرين وجماعته بني عبدله قال عواض العتيبي لخوياه اللي معه نبغا نمرعلى ابن جبرين ونكمل طريقنا ثم اجلسو الرياجيل وبعد القهوه والعلوم الطيبه سئل الشيخ متعب عواض وين عينت الربيع ياعواض قال والله على مصودعه وعلى هكاء الديار اللي حولها وتذكر الشيخ متعب بن جبرين زوجته التي لم ينساها لانه اخذ مد ة طويله لم يتزوج بعدها وقال فيها قصيدته المشهورة
كريـم يابـرقٍ سـرى بالجنوبـي=ياصل إلى دار اريش العين ثم ناض
يذكر علـى داره مرايـر سحوبـي=والعلم جاني به على الهجن عواض
والجتـي لجـة محـال الخبـوبـي= اللي لهن فوق الروانيش معـراض
سواقهـن عبـدٍ بليـلٍ صلـوبـي=وإلى امتلا حاضٍ يفيض على حاض
القلـب عيّـا ياسعـد لا يتـوبـي=دايم يجي له بين الأضلاع نضناض
نضناض قوم ٍ مرتبين العزوبي= عجلو وعلم السبر في صدورهم راض
الله على اللي سوقهن بالعقوبي=سرع النعام اللي فتيخ ٍ يبا الباض
والا حراير من ركاب الحضوبي=ومربعات ٍ بالشتاء وأول القاض
قصـــته إبّان وفاة زوجته :
كان متزوجاً الفارس متعب بن جبرين من إمراءه يبدوا أنها على قدرٍ كبير من الخلق والجمال والعقل وتنتمي هذه الزوجة لأسرة كريمه لها زعامه من قبيلة مطيروهي أسرة آل سقيان ويلقّب والدها بالشامي عاش متعب مع زوجته حياةً هنئه وفي الحقيقه لا أعلم هل هي أم إبنه هويل ، أو أم أحدى إبنتيه ، فلم يكّدر صفو هذه االحياه الجميله سوى الموت وأحدث ذلك ألماً وحسره في فؤاد متعب بن جبرين إذ مرضت زوجته وهو في مكان في عالية نجد جنوب ضرّيه غرب جبل شعبي أسمه ( الجفر ) أو ( جفر مصودعه ) ومصودعه هضبه قريبه منه وتوفيت زوجته ودفنت في سفح هذا المكان رحلت عنه ولكنها لم ترحل عن مخيلته ، نظم في رثائها عدة قصائد أشهرها تلك التي يقول فيها مشتكياً لصديقه الشاعر سعد الدويجن أحد شعراء مطير
يامصودعه علك من الوسم رعّاد =وبلٍ على وبـلٍ وسيـل يعّـل
عساه يسقي لبة الجفر من غـاد=حيث إن فيها يالدويجن هلٍ لـي
ياليت عرفه ياسعد كان ماعـاد=واهني من رافق عشيـره ومـلي
شدّوا ولا عنده من الحـي روّاد=خلّوه فـي ديـرة مخافـه وذلي
ياعنك مابطنه رغيبٍ من الـزاد=بطنه نديف مضربٍ جوف زلي
« آخـــر الـــمـــشـــاركــــات »
29-Jun-2010, 08:01 PM
مراثي بن جبرين في زوجته
العرض العادي
