يا زياد ناد إخوك

[ابن ركيبين]

يا زياد ناد إخوك ودي أوصيه=وصيتن تحفظ مثل مال في بنك
ثوبن ماهو ثوبك على ويش تبغيه=لو كان بوصافه وزينه يفتنك
قيس مقاسك وأشترألي يغطيه=ومن غير ربك لا تدور مزابنك
والجار له حقن ولو ضاق ترضيه=لو كان جارك سيئن ما يواطنك
ماكل من جالك يبي منك تعطيه=ولا كل من تعطيه جالك يبي منك
كم واحدن لو تنفعه تبتلش فيه=علم الردا لامن هرج ينقله عنك
وكم واحدن لو صد ترجع وتشريه=وكم واحدن لا صد صده يأمنك
وأحذر ريالن بالربا رحت تجنيه=مال الحرام يجوعك مايسمنك
واحذر لسانك لابغا الهرج يبديه=ثمن قبل ينطق لسانك معادنك
ومن لايخاف الله حذرا تباريه=لا بد ما تغدر يدينه ويطعنك
والناس لو تتبع مزاجاتها إتيه=كل يرى نفسه خبيرا" يلقنك
ومن لا قتدى بالحق محدن يقديه=ومن يجهلك لا تحتريله يثمنك
كم واحدن لاحال دونه مشاريه=مرات يدعيلك ومرات يلعنك
وترى الفتى يحتاج حكمه وتوجيه=وألي تدينه فاعرف إنه يداينك
والقرصه الأولى وانا بوك تنبيه=والثانيه لا تحتريها تمكنك
أصدق مع الصادق بصدقك وحاكيه=ودرب المراوغ لايجي في تفننك
هذا ألذي يا ذخر جدي مراجيه=وأخوك حطه وانتبهله على أيمنك

الشاعر : خالد غزاي الحبردي (ابن ركيبين)

[محمد الشامان الحشيبري]

الله الله

حكم وعلوم طيبه


صح لسانك

وعلى شانك

[ابن ركيبين]

سلمت يالشامان وصح بدنك


حضورك وسام على صدري

[مشاري الحبردي]

صح لسانك

قصيدة جزلة من راس جزل

[ولدعساف]

الله الله ..


قصيده جزله صح لسانك يابن ركيبين ..


تحيتي لك ..

,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ابن ركيبين]

مشاري الحبردي


ولد عساف ..


حضور رائع ...وصح بدنكم

اسعدني تواجدكم هنا في متصفحي

لكم التحيه

[خالد مطلق الحبردي]

ياسلام قصيدة رائعة


يـا زيـاد نـاد إخــوك ودي أوصـيـه ,,,,,,,,,

من الواضح ان ولدك زياد هو الصغير ,,,,,,,,,,,,,, طبعا الكبير يزيد





صح لسانك يابو يزيد


ولا تحرمنا من مشاركاتك وقصائدك الرائعة ,,,,,,,,,


تقبل مروري

[معلا إبراهيم الأسعدي]

ماكـل مـن جالـك يبـي منـك تعطيـه=ولا كل من تعطيه جالـك يبـي منـك


ون تو


ولا احلى


صح السانك على القصيده الجميله

التوقيع

[أبوبدر]

صح السانك يابو زيد

[ابن ركيبين]

خالد ابو مطلق

ومعلا الأسعدي

ابو بدر



حضوركم تاج ووسام على صدري

اشكركم واسعدني حضوركم الراقي


لكم التحيه