هديه للاخ العزيز الهزبري ( رجالله الحربي وحبيب العازمي وصياف الحربي )

[خلف المطيري]

يوم اقولك الاعلام له دور والشليله لها تفضل طال عمرك طاروقين للشاعر رجالله الحربي مع عتاولة الشعر

وهما من حفلة جرت في الدمام عام 1416 هـ على ما أظن
وقد شارك في تلك الحفلة : صياف الحربي / رجالله الحربي / حبيب العتيبي / فيصل الرياحي البقمي

=====
الأولى =
بين حبيب العازمي العتيبي , ورجالله الحربي ,,,
وكان حبيب هو البادئ :
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حبيب :

سلام الله واعاد الله علانا كل عام العيد ** وادام الحكم لآل سعود حكام السعودية
احد جا من قريب واحد جاي من مكان بعيد ** معي خمسة حروب ومعي اخوية فيصل العية

رجـا الله :

هلا يامرحبا والله يثبت راية التوحيد ** اقوله من هجوس صادقة والنية النية
الا يالشيخ ابن غانم والا يالفارس ابو زيد ** دعاكم حظنا من داركم دعوات رسمية

حبيب:

رجا الله يارجا الله لك ثلاث سنين ولا ازيد ** وانا ماشفتك الا جالس فالارض هذية
علشان الحروب احبهم قمت وطويت البيد ** بعون الله لاجيهم لو ادرهم فوق رجلية

رجـا الله :

حبيب ياحبيب خذ على هالسالفة تاكيد** عيونك ماتشوف ومعك نظارة صناعية
تجي وتروح والمعروف ماله بيننا تحديد** وانا كم رحت للعتبان بالدار العتيبية

حبيب:

يا قل الهرج ياكثره وياشينه مع الترديد ** عيوني لو احيمرها معك ماتلتفت فيه
اعرف اللي يصيد الصيد واللي مايصيد الصيد ** واعرف اللي مع الحارات يلعب طاق طاقية

رجـا الله :

ياكثر الهرج ياقل الفعل ياراعي التهديد ** ليا حيمرت عينك جتك مربوعة ومثنية
اعرف العازمي من قبل جعله مايفيد الفيد ** تراه الي بجيبه قنبله ماهي بذرية

حبيب:

لولا صياف بن عواد فيها اخذتكم من حيد ** لكني مستحي من صاحبي وحسابه شوية
نجيب القنبلة ونكايد اهل العنف واهل الكيد ** لكنك لاتقربها تراها هيدروجية

رجـا الله :

تقوله وانت في راسك خطام وفي رجولك قيد ** يابو راس صغير وداخله تسعين جنية
ولا يا الشايب اللي بدلوا عقله بعقل وليد ** اثر راديك هندي لكن اخباره محليه

حبيب:

دخيلك لاتسيّـد للسيادة وانت مانت بسيد ** يابو راس كبير وداخله من جني بلية
عساني يارجا الله كاني مت الصبح اموت شهيد ** لكن انته عساك تموت بين الشمس والفية

رجـا الله :

نبي نمسح على قلبك ولا نسألك ويش تريد ** لعل تصير لك عند اهل البحرين شعبية
عساك تموت موته كاش واحسن لك من التقصيد ** بعد مارزّت الاهداف برية وجوية



وهاذي الثانيه



الثانية =
وفي نفس تلك الحفلة المشار اليها جرت هذه المحاورة بين:
رجاالله الحربي , رحمه الله , وصياف بن عواد الحربي
وكان رجاالله هو البادي :


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
رجالله :

ارتاح ياشاعر عتيبة والرياحي لايقوم ** ابمزح على صياف ابن عمي وابسولف معه
وان كان ضيقنا ووصل الضيق لا روس الخشوم ** ماكل رجال ينوش الخشم في راس اصبعه

صياف:

صحيح من قال الحقيقة راحو الصدقان قوم ** ريحت عدوانك وتبغى لك صديق تتبعه
اليا وصل وقت الزعل مايزعلون الا الرخوم ** هذا الكلام اللي نغني به وسمعك يسمعه

رجالله :

لو مانحد السيف ياصياف مايقضي لزوم ** باحد سيفي وارفعه باحد سيفي وارفعه
القطب وسهيل اليماني عالية فوق النجوم * واصحى تصير الاربعين البيض خمسه واربعه

صياف :

وراك ماساعدتني على عتيبة والبقوم ** برطمك ماتصبر عنه ترخيه ولا ترفعه
ماتذكر ايام البراد الا ليا اونست السموم ** والنجم الاقشر لو طلع خله يروّح لسنعه

رجالله :

لو انت جالس في خطر نجلس معك ولا نقوم ** مار انت عند اصحابنا ترعى الحلال وتجمعه
اذكرك وانته منتصر وابكيك لو رحت مهزوم ** والى عطاك ابليس بشت الصوف شقه وارقعه

صياف :

عز الله انك كنت فارس قوم وحصانك عزوم ** مار اعترضك الفارس اللي ضربتك ماتوجعه
انته لسانك مثل حد السيف في بعض العلوم ** لكن ماتعرف حليب الديس حتى ترضعه

رجا الله:

عز الله اني فارس قسمه كبير من القسوم ** لو ان راسك مثل راس القوم والله لاقطعه
ان صارت الحسنة خصوص وصارت السيـّه عموم ** ان ماكتلت الذيب ياصياف والله لافجعه

صياف:

قبل امس ماشفنا شعاع الشمس من كثر الغيوم ** والسن الابيض لادخله السوس والله لاقلعه
انته وانا كنا جماعه والصداقه ماتدوم ** والهوش لاطول يبا واحد حكيم ويفرعه

[خلف المطيري]

الان جا دور السؤال يالهزبري

رجا الله يرحمه غداله شي فالطاروقين ولاّ ما حما ماقفه ولا قل منهم مستوي ولاّ تفوقوا عليه

ولا متعادلين فالمستوي انتظر الاجابه منك

[تركي الصفياني]

هديه مقبوله هههههه>> مالك دخل


ابدعت ياخلف

[الرأس الابيض]

شاعرنا الرائع خلف المطيري
سجل مروري يالغالي
دمت بكل ود

[خلف المطيري]

المشاركة الأصلية كتبت بواسطة صابر عليهم

هديه مقبوله هههههه>> مالك دخل


ابدعت ياخلف

هههههههههههههههه

لاتفهمني غلط حبيب رقم واحد عندي وصياف مايحتاج مدح

انا قصدي اوضح للاخ ان الاعلام والشلليه لها دور في ابراز الشاعر خصوصا فالوقت القديم

وجبت محاورات للشاعر الكبير رجالله الحربي الله يرحمه كدليل فقط

[ابو فايح]

بصراحه الطاورق الاول ملحمه شعريه


لاهنت يا خلف المطيري

هديه رائعه


وأنا سأدخل النقاش بلا دعوه بما أنه عندنا فالهيلا واقول رجالله فالطاروقين ما غدى له شي

التوقيع

عالم تويتر abofayeh@

[فهد علي العازمي]

لاهنت
إستمتعنا

تقبل مروري إيضاً

[الهزبري]

الله لايهينك ياخلف(هدية مقبوله) من اخ عزيز

انا معك بأن الشليله لها دور والاعلام ايظا

رجاء الله رغم اني اعرف شخصيا ماكان يحدث له خصوصا مع وجود صياف الحربي .

ألا أنه اثبت جدارته وشهد له كبار الشعراء مثل مستور العصيمي الذي اشاد فيه كثيرا.

يعني الشمس لاتغطى بغربال.

اما المحاورتين السابقتين لم يضيع لرجاء الله أي شي بل اثبت جدارته

ومحاورته مع صياف اجزم بأنه تفوق عليه..

ومع حبيب ملحمه كما قال اخونا ابو فايح.

رجاء الله رحمه الله كان شاعر هجومي وشرس..

مشكور ياخلف..

[ابن المحايا]

هاذي المحاورتين فيديو يالعارضي











تحياتي