سحاب(ن) هل وامطر مير ماينبت طشاشه عود = هماج(ن) مالح(ن) ويموت ذاك العود لوذاقـه
سحاب(ن) هل وامطر لين شعبانه يصيرن سود = هماليـل(ن) تهامـل ميـر ماقـد لاح براقـه
اظنك عارف ان السحب عيني مير يالمقـرود = مثل من يستغيث ويطلب من الغيـث وارزاقـه
تغلى وانـت عارفنـي لاحاسـد ولامحسـود = بياض(ن) لاح بالعارض وكبد تفـوح بحراقـه
على ساحل غرامك مركبي وقف على المـارود = وماج البحر منه وهـاج وحنـا مابنـا طاقـه
وطيفك زارنـي تكـرار لاجاحـد ولامجحـود = ولكن الاصـل عيـا بعهـد(ن) حـل ميثاقـه
انا ماني ضعيف وتعرف إن الفهد ولـد فهـود = ارود الموت لـو القلـب منـه انتـل معلاقـه
لياجا لجد وصار الجد وقت الجد قـدح زنـود = فلا ارضى الذل لوني ضرير(ن) منكسر ساقـه
حياة الذل ماتقبل وانـا مانـي لهـا محـدود = حياتي كان ماعزيـت نفسـي ماهـي شفاقـه
ولامنه التحم جيشي وجيشك وانطلق عبـرود = يبين اللي لبس خوذه من اللي لابـس طباقـه
نصيحه قدر النعمه تـراك بنعمتـك محسـود = ترى كثـر المعاصـي للنعـم تصيـر بواقـه
« آخـــر الـــمـــشـــاركــــات »
20-May-2010, 01:18 PM
العرض العادي
