محاااااوره قوووويه لم تنشر ( السناني والدغيلبي)

[فالح الشهراني]

هذي محاوره اكثر من رائعه للشاعر سفر الدغيلبي وزميله الشاعر محمد السناني لم يسبق لها النشر أقيمت في مدينة بيشـه ...

__________________________________________________ ________________________

محمد السناني :

سلام الله سلام على اهل الحفل بالذات *** وسكان البلد واهل بيشه والضواحي

رجال الواجب اللي يسدون المهـمات *** حسب ما قيل ما فيه طير إبلا جناحي


سفر الدغيلبي :

عن اهل الحفل في حزه من خير الاوقات *** أرحب وارحبوا هيل من كل النـواحـي

ترى الشـعـر الجزل لاطـلـع عبــر القنوات *** فلا يخفـيـه مخفي ولايمحاه مــاحــي


محمد السناني :

مفـوض في البلد لك مقـر ولـك سفارات *** مـوكـلـك بن ثـايـب وبن جدلان صـاحـي

ترى الشعر الحقيقي على الشاعر علامات *** هذا منهج رشيد الزلامي والرياحـي


سفر الدغيلبي :

أنـا لـي في جمـيـع الديـار ربـع وعـلاقـات*** وإذا طيبك لنفسك ترى طيبي سلاحـي

تقولـه وأنت صوتـك غـدا مابين الاصـوات *** رحل عنك الضعن وانت قاعد في المراحي


محمد السناني :

تـعـديت المـخاطـر وقـطعـت الإشـارات *** تقول الـحمـد للـه مـضـمـون-ن- نـجـاحــي

عليـك الـهـون لا راحت الدنـيـا ولا جـات *** يـبـا راسك يشيـب وقلبك ما استـراحــي


سفر الدغيلبي :

إذا كافحت ما افلحت في شتى المجالات *** فهذي كارثه حسـب رايي واقـتـراحـي

بعد فاتـتـك زهرة شبابك والسعد فـات *** ترى ما تـنـفـعـك قولـتـك يـا واح واحــي


محمد السناني :

أظن الكارثـه في حياتـك عشر مـرات *** علـى شانـك تخلط الحـرام مع المـبـاحـي

من اول لجل بـو زيد قلنا لـك سلامات *** وهالحين أنـتـظـر لـلـهجـاد ولـلـصـبـاحــي


سفر الدغيلبي :

هذي ماهي منك من علاج الصيدليات *** عطوك عـلاج في داخلـه سـم ذحـاحـي



__________________________________________________ __________________


ولكم مني التحيه ....