الذيب النفيعي....اســعـد الله صــباحــــــــــك

[متعب المقاطي العتيبي]

الطبيعة في تغيرها طبيعي=والدلايل مقلع الهضبة طمية
بعد زان القاف وين القا النفيعي=ياعسى ربي يجيبه في يديه

[فهد الحصيني]

الله يسعد صباحك يالنداوي

أستلم

جابرن خصمي غصب عنه يطيعي=لوعزومه فاتره والاقويه
والنفيعي تاجده صيف وربيعي=ماتخفى مزهب الك البندقيه

[متعب المقاطي العتيبي]

يامرحبابك يالنفيعي

ياوسيع المعرفة ماتستطيعي=مير بهرها وهات الشاذليه
وانت لك عامين تركض ف/ السريعي=لاسلاح ولا زهاب ولا مطية

[فهد الحصيني]

وسط سوق المعرفه أشري وابيعي=وأشرب الفنجال من يمنى وفيه
يالنداوي شغلتك شيل الرجيعي=كب عنك أنت الكبر والعنجهيه

[متعب المقاطي العتيبي]

الذيابة ترقبك مع كل ريعي=ياعسى الله يرحمك رب البرية
تنقضون الهرج والمعني يضيعي=يامغنيت اللّحون السامرية

[فهد الحصيني]

للذيبه صفرت تشلع شليعي=ورحمة الله أمنيه لي ياعطيه
أنت راع الهرج والزبده تميعي=ماتواسيني على فعلتك أسيه

[متعب المقاطي العتيبي]

مانسبك وانت رجالً شجيعي=مير جاك الموت ياراع العبية
ليت قافك مثل مستور الشفيعي=تاخذ النوبل ونعطيك الهدية

اخوي النفيعي صح لسانك

ومسك الختام عندك

[ܓܨ عبدالله البرقاويܓܨ]

ماشاءالله عليكم
صح الله السنتكم ولاهنتو
ابيات رااائعه

[متعب المقاطي العتيبي]

المشاركة الأصلية كتبت بواسطة ܓܨ عبدالله البرقاويܓܨ

ماشاءالله عليكم
صح الله السنتكم ولاهنتو
ابيات رااائعه

صح بدنك والاروع حضورك....

[فهد الحصيني]

وأنت وافي مذهب وافي رفيعي=كم كويتك كيت من فوق كيه
الشفيع أنا رسول الله جميعي=ليش تغلط يالنداوي في هذيه

صح بدنك وقلبك يالغاي


ومع السلامه