-= مدخل =-
عاشو حماة الوطن من عهد اخو نوره= درع الجزيرة ليا شبت حرايبها
هيا العتيبية او كما يسميها البعض هيا الروقية او كما تحب ان تلقب بـ فتاة الوشم..
تلك الشاعرة التي استطاعت بجزالة شعرها وقوة وصفها وحكمتها ان تصل الى القمة في الشعر النسائي
قد لاأجيد التعبير في وصفها .. لكن لعلي اترككم مع مقتطفات من شعرها لتكون ابلغ تعليق..
من قصائدها الوطنية... :
بلادي حبيب الروح له خافقي ينفاج=نعيش بحماه ولجله الدم نفديه
لابات ضو الصبح عنه الدجا منباج=هدا جو خضر فياضة الطير يشديه
على نهج حزن فوق ارض الجزيرة داج=سعادة وطنا من سواعد مخالييه
ضرب لجلها درب الخطر ضيق المخراج=بشلفا هجم للنصر وادرك مطالبيه
القصيدة القادمة قالتها عندما صادفت احد الشباب المتميعين (الجنس الثالث) :
ياناس عيني من الموعات مذعوره = ونفسي عيال الفلس جابوا حضايبها
وقلبي يزوم الزعل والكبد ممروره= حسيت باللي عيوبه مايحس ابها
لاقيت رجل وفيه من المره صوره = يمشي على العيب نفسه مايعاتبها
يوم يتمخطر يقلد مشي غندوره = عن مشية الرجل للخفرات يقلبها
قلته وانا من شباب اليوم مقهوره = ويميل بالكعب ووركه يهز ابها
ليته لبس له بلوزه فوق تنوره= يوم المناقيد مايدري عواقبها
اهل الخنافس غدوا لابطالنا عوره = ياكيف يجد يتمشون ابمناكبها
شباب يالي عليك السود منشوره = ارفع مقام الرجوله لا تخربها
ترى الشجاعة للجيش صف طابوره = نقالة البندقية مع مقاضبها
جيش بهم دارهم تفخر ومنصوره = دونه عمار على الاخطار يجلبها
عاشو حماة الوطن من عهد اخو نوره = درع الجزيرة ليا شبت حرايبها
وهذي قصيدة تعبر عن نفسها..
حـمـامٍ عـلـى راس الطـويــلــــه يــجـــر لـحــــــون=عـلـى نــاعــم أغــصــانٍ مـــن الـوســم غــريــافـــي
تـثـيـر النـفـــوس وتـبـــتـــلـي قـلـبـــي المـحــزون= تــعــاون عـــلـيــــّه بــلـــوتـــي والــــزمــــن جــافـــي
هــواجــيــس نـفـســـي عــلــقــة فــي نـجــوم الكــون=ولا شــك حــظــي بـــار فــي جـــمـــلــــة أهــــدافـــــي
ألا يـاكــبــر بـلــــواي والنــاس مــايــــــدرون=تــجـــــدد حــيـــاتي كــلـهــــا هـــــم وأتــــلافـــــــي
ألا يــاهـــل الفـــرت الحــمـــر ريــضـــو بــالـهـون=نــخـــاكــم دريـــكٍ ضــاع ، مـــدوه بـ إســعـــافـــــي
تـرى الطـايــلــه مــن فـعــل الأجــواد لاتـكـبـــون=أخــذو بـيـــد الـمـرعــــوب قــــدام وخــلافـــــــي
خــذو فــي يـديــن الهــارب الـلـي كـثـيــر غــبـون=تـلـقــى الـمـهـالـك والـعـطــش والـقــدم حـــافــــــي
طـفـق فــي روابــي نـجــد يـكـفــخ كـمــا المجـنـون= ســرى فــي ظـلام الـلـيـــل يــوم الـقـمــر طـافـــــي
تـلـقـى مـراب الـذيـب يـوم العــرب يـلـهــون= تـــســلـل مـع الغــابــات مــن خــوف يـنـشـافـــي
زمـانٍ عـلـيــّه مـال وأهـلـي عـلـيّ يـخـطـــون= حـيـــاة الـبـشـــر فـيـهــا تـعــرضـت الأصــدافــي
تـوحــشـت مـع فـج الخــلا والحـيـاة ظـنـــــون= وشـربــت الـمــراره يــوم كـــلٍ شـــرب صـافــــي
والقصيدة التالية قالتها في مدينة ابها:
سلام يا ابها البهية طابت اوقاتك=يا من لجوك مضيق الصدر مشروحي
ابها نرد التحيات التحياتك=حي البشاشة وسامة كل مملوحي
يا من تثير المشاعر كبرياذاتك=من كبر الاعجاب فيك اعلنت لك بوحي
رشك طرايفك والبرق ابتساماتك=ميزان غيدا عشقها كل ممدوحي
يرعى الله الفيصلي منجز مهماتك=عقب الوعر كل خط معك مفتوحي
عبد لك المعجزة وادنى مسافاتك=مهد معاسرك والغابات وسفوحي
ابها البهية ترد الروح لذاتك=عليل جوك يساوي كل مصلوحي
ابها تنافس بدور الليل طلاتك=فوق الشواهيق باعلام الفخر لوحي
يا من تغذي عروقي شم نسماتك=بارد هماليل عصرك طب لجروحي
ابها تثني العواطف بين روعاتك=فوحي لعاشقك بانسام الزهر فوحي
يا من خفوقي رهين تحت قبضاتك=لا تحسبنك من الحسبان ممسوحي
بين الرعد والضباب وهمس قطراتك=تعلقت في خضارك بالشغف روحي
يا من ذهولي هروبه مع سراواتك=عني تخلى ولا ادري وين بيروحي
ولها في ابيات الحكم :
اتجه لله واطمح للفضيلة=خل حب الخير حيا به ضميرك
ولا تنحي عنك برقا لا تخيله=واحتفظ بالراي عن ملا يشيرك
من يكن الك العداوة لا تجيله=اقصر المشوار عن شره وخيرك
اعداد وتقديم فرهودي..
« آخـــر الـــمـــشـــاركــــات »
19-Dec-2004, 01:38 PM
فتاة الوشم .. تلك الشاعرة الكبيرة
العرض العادي
