مرثيّة في العقيد سعود بن مخلد بن قايل السليس العتيبي

[ابن مصلح]

,,


هذه قصيدة رثائية قالها احد ابناء عمومة المرحوم / سعود بن مخلد السليس لا يحضرني اسمه الآن ولكن طُلب مني ان انزلها فالمنتدى فنزلتها واعذروني على التأخير اليكم القصيدة وهي موجهة الى الشيخ / مخلد بن قايل وابنائه واخوانه وجماعته ::

قالوا توفىّ قلت حيل الله اقوى=الشوف مبصر والأيادي قصيرة
امر الله المكتوب مافيه جدوى=ولا يشمته غير النفوس الفقيرة
صحيفةٍ تكتب بساعة وتطوى=وفيها حياة العبد وآخر مصيره
والموت علّة مار ماهوب عدوى=امرٍ من اللّي ماش معبود غيره
مرحوم ياللي للعلاوي تعلوى=وجيهٍ سفير من الوجيه السفيرة
حّرٍ يحصّل غايته لا تهقوى=منزال وكره في الرجوم العسيرة
يفزع .. ليا من الردي طاح واثوى= ويعطي.. عطاه الله جنّات خيره
عساه في جنات العلى خير عطوى=آمين يامعطى العطايا الكثيرة
وقولوا لأبو غازي ترا ماش جدوى=امرٍ كتبه الله .. والله دبيره
لنا اسبوع ندوّر العلم لقوى=ولاحدٍ حمضنا بالعلوم الاخيرة
اليا نشدنا عنه قالوا لنا (اشوى)= وأثره وراهم ميتٍ في سريره
الشكوى لله ماش للناس شكوى=ربٍ عليمٍ بالجهر والسريرة
والصبر يا مخلد على كلّ بلوى=فيها وانا بناخيك خيرٍ وخيرة
اطلب عوض ما راح لك وانته أحوى=من عند نشّاي المزون الغزيرة
وليا هقوا جماعتك فيك هقوى=فأنته جبل وحظوظ عزمك كبيرة
وصلّوا على هادي البشر خير هدوى=نبيّنا بشير ربّه نذيره

[جزاء العتيبي]

الاخ بن مصلح
تسلم اخوي على النقل
تقبل تحياتي

[ابن مصلح]

حياااااااااك الله ياجزاء العتيبي الله لا يهينك

تحياتي ,,

[ابومشعل العازمي]

صح لسانكــ

والله يرحمة رحمة واسعة

[ابن مصلح]

,,

صحّ لسان قايلها يالذيب والله يحييك ورحمة الله على المرحوم ,,

[محمد الحميدي]

مرحـوم ياللـي للعـلاوي تعلـوى
وجيهٍ سفير من الوجيـه السفيـرة
حّـرٍ يحصّـل غايتـه لا تهـقـوى
منزال وكره في الرجـوم العسيـرة
يفزع .. ليا من الردي طاح واثـوى
ويعطي.. عطاه الله جنّـات خيـره
عساه في جنات العلى خير عطـوى
آميـن يامعطـى العطايـا الكثيـرة
صح لسانك ولاهنت
والله يرحم سعود ويعفو عنه

التوقيع

[فتـى هـوازن]

مرحـوم ياللـي للعـلاوي تعلـوى
وجيهٍ سفير من الوجيـه السفيـرة
حّـرٍ يحصّـل غايتـه لا تهـقـوى
منزال وكره في الرجـوم العسيـرة
يفزع .. ليا من الردي طاح واثوى
ويعطي.. عطـاه الله جنّـات خيـره
عساه في جنات العلى خير عطـوى
آميـن يامعطـى العطايـا الكثيـرة


آن آشهـد آنـه صدقـ "

وصح لـسآنه ولسـآنك ..

ولآهنت يآلذيب

وعـسـى الله يرحمك يآسعود ويدخل جنآت آلنعيم ..

[ابن مصلح]

,,

محمد الحميدي لاهنت على المرور

[ابن مصلح]

,,


اي والله صدق يافتى هوازن وان كنت تعرف قايلها الله لا يهينك تنزّل اسمه فالموضوع


تحياتي ,,