حان الوداع للشاعر نايف الشيباني

[ابو فيصل فهد]

حان الوداع وحل بي حاير الصمت
لحظة وداعٍ سادها صمت وسكات
وادعت فيها من له القلب سلمت
اغلا بقايا الروح سلمته الذات
حاولت اعبرله وهمت وتلعثمت
وازريت لنطق لي من الهرج كلمات
ثم جاء يكلمني وهام الذي همت
وازرا يقول وقال بالعين هيهات
بالعين حاكاني وانا ماتكلمت
الهرج ضاع وصار معناه نظرات
ومن نظرة عيونه فهمت وتلهمت
من عينه اللي هلت الدمع عبرات
فهمت منها قولته لو تكرمت
احفظ عهود الود وماضٍ لنا فات
وحلفت له بالله فالقلب واقسمت
ما انساك يالمجمول لو كان لحظات
واقفا يجر اخطاه بالهون واظلمت
اظلم سمايه والفرح بالحشا مات
من لحظةٍ فيها بكيت وتألمت
وعانيت من فرقا المواليف حسرات

هذه الابيات للشاعر نايف الشيباني


ولكم تحياتي مقدم البرنامج (ابو فيصل الشيباني)

[مرزوق حمدان العتيبي]

الله يعطيك العافيه
يامذيعنا القدير ..
شكرا لك على حسن ذائقتك..
وبصراحه اقول انه
اختيار موفق ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابن مشيب]

صح السانك والسان نايف يابوفيصل
اشكرك على جهودك الملحوظة في المنتدى
والى الامام



تحياتي

[مروي العطاشا]

مشكووووووووور ما قصرت

[((الدلبحي))]

صح السانك والسان نايف يابوفيصل

تحياااااااااااااتي

[أبو حمد]

صح لسانك يا معلقنا الكبير
تحياتي
أبو حمد

[أبو فيصل]

صح لسانك ولسانه يابو فيصل

قصيدة مميزة

والله يعطيك العافية

التوقيع

لا إله إلا أنت سبحانك إني كنت من الظالمين