والعدو .. حتى لو ان ودع ومات = ما نكبه لين نشرب من دمه !

[رائد الكيرعاني القحطاني]

السلام عليكم ورحمة الله وبركاته



قصيدة القيتها في حفل زواج الشيخ مسفر بن محمد الصوع كود شهران حيث ناسب الشيخ فهد بن مشعان الزهيري عبيدة قحطان



بحضور شيخ قبائل كود حاضرة / وبادية محمد بن سعيد الصوع وشيخ قبيلة زهير / علي بن مسعود ابو سكيته وجمع من الحضور



اقول

التهاني جات والأفراح جات=والمعاني ساع جات مدسّمه
والقوافي جات من كل الجهات=والهجوس مداومه ومسلّمه
يا نهر دجلة ويا شطّ الفرات =يلزم الملزوم شيّ يلزمه
ما بقى لي غير اعسف العاصيات=المهار اللي ما هي بموسّمه
شرّد لا بتّ ما تقدر تبات=شغلها بين النقط والترجمة
غير لامنها درت بالموجبات = اتّشكّل قبل بري المرسمة
في عجب ربع تعشق الطايلات=ابتدي بالقاف ما ودّ اختمه
مرحبا من طيب راس وطيب ذات=بالورود موشحه ومختمه
مرحبا الف .. وملايين .. وميات=يا رجال طيبهم طبع وسمه
مرحبا باهل الفعول الماضيات=شهران .. اهل الفعول المعدمة
شهران .. اهل الخيول المسرجات=شهران .. اهل الوفا والمكرمة
شهران .. أرسى من جبال السراة = والجبال محدده ومعلّمة
شهران ليا عتزو بأسماء البنات=تكسر الحرّاب وتهدّ علمه
خصمهم يبشر بحدّ المرهفات=تجبعه من بين عظمه ولحمه
وان ذكرنا كود قوم المجزات =انفتح باب الفعول الملهمة
يكسبون المدح لا جاله طراة = .. وافتخر ماني باحب التمتمه
امدح اللي يكسبون الطايلات=واصطبر عالموت ما اعزّ رخمه
ومحزمي عند احتكام المعضلات=لا افتخر كلّ برمحه وسهمه
عزوتي قحطان متعبة الرّواة = محزم يا سعد من حن محزمه
قحطان اسم بدون مقدّمات=يتترجم ما يبيله ترجمه
وش فرقنا عن عيال الأمهات ؟= غير ثنتين تردّ المظلمه !
الخوي .. منا ما يلقى الهافيات=نفرش له الارض ورد ونكرمه
والعدو .. حتى لو ان ودع ومات = ما نكبّه لين نشرب من دمه !

.

.

.

.

وسلامتكم

[ܓܨ عبدالله البرقاويܓܨ]

صح لسانك قصيده جزله يارايد وبالتوفيق لك

[حسن إبراهيم الدجيماء]

وش فـرقـنـا عـــن عـيــال الأمـهــات ؟ ** غــــيــــر ثــنــتــيــن تـــــــــردّ الـمــظــلــمــه !

الـخـوي .. مـنــا مـــا يـلـقـى الهـافـيـات ** نـــفــــرش لـــــــه الارض ورد ونــكـــرمـــه

والعـدو .. حتـى لــو ان ودع ومــات ** مـــا نـكـبّـه لـيــن نـشــرب مـــن دمــــه !

----------------------------------------------------------------------------------------------------

صح لسانك ياراايد .. ونعم فيك وفي لابتك ..

وشهران كفو ويستاااهلون الطيب ..

لاتحرمنا خواتها يالذيب ..!!!

[مرزوق حمدان العتيبي]

..
.

ونعم بشهران العريضه ... وبقحطان العريبه
.
ابدعت ياارايد وبيض الله وجهكــ .
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[رائد الكيرعاني القحطاني]

المشاركة الأصلية كتبت بواسطة ولد النير

صح لسانك قصيده جزله يارايد وبالتوفيق لك

صح بدنك يا ولد النير

اشكرك على مرورك

المشاركة الأصلية كتبت بواسطة الدجيماء

وش فـرقـنـا عـــن عـيــال الأمـهــات ؟ ** غــــيــــر ثــنــتــيــن تـــــــــردّ الـمــظــلــمــه !

الـخـوي .. مـنــا مـــا يـلـقـى الهـافـيـات ** نـــفــــرش لـــــــه الارض ورد ونــكـــرمـــه

والعـدو .. حتـى لــو ان ودع ومــات ** مـــا نـكـبّـه لـيــن نـشــرب مـــن دمــــه !

----------------------------------------------------------------------------------------------------

صح لسانك ياراايد .. ونعم فيك وفي لابتك ..

وشهران كفو ويستاااهلون الطيب ..

لاتحرمنا خواتها يالذيب ..!!!

الدجمياء


لعنبو من لامني في حبك

مرورك عطر دااائما

اشكرك يالغالي

المشاركة الأصلية كتبت بواسطة مرزوق حمدان العتيبي

..
.

ونعم بشهران العريضه ... وبقحطان العريبه
.
ابدعت ياارايد وبيض الله وجهكــ .
.

مرزوق ابن حمدان


اررررررحب والله لا يهينك على المرور الجمييييل


ولا عليكم زود


لك تقديري

[علي خيران العتيبي]

و نعم والله يالقحاطين كفو و يستاهلون المدح
و صح لسانك يا رايد


وش فـرقـنـا عـــن عـيــال الأمـهــات ؟=غــــيــــر ثــنــتــيـــن تـــــــــردّ الـمــظــلــمــه !
الـخـوي .. مـنــا مـــا يـلـقـى الهـافـيـات=نـــفــــرش لـــــــه الارض ورد ونــكــرمـــه
والعـدو .. حتـى لـو ان ودع ومـات=مـــا نـكـبّـه لـيــن نـشــرب مـــن دمــــه !

انا اشهد

[رائد الكيرعاني القحطاني]

علي خيران

مرورك عطر كما هو انت


لاهنت ولك تقديري