السلام عليكم ورحمة الله وبركاته
قصيده مرثيه للشاعر عطالله عبيد الشيباني في الشيخ/عيد بن شاعي الشيباني
رحمه الله واسكنه فسيح جنانه
الضيقه الـلـــي بالمـــعـــاليق تــحديــد=خطره على قلبي تقطع وريده
وأسـبابـها ياعـبـيـد ود الخـبـــر زيـــد=رحـيـل قـرم من قروم البـديده
جـاه القـدر والـمـوت ماعـنـه تحـيــيـد=يامـربه المـعـبـود ياخـذ عبيده
المـوت يـقـنـصنـا وحـنا كـما الصـيــد=ولـحدٍ يبي سـهم المنيه يصيده
لكن لــولـي حيلـــةٍ كـــان بالقـيـــد= اوقف خطاوي الموت وأقصر أيده
لايطمع بروس الرجال الصناديد=ولا الردي ياجعل ماله شريده
الله يرفع منزلك فوق ياعيد= عز الله أنه راح منا فقيده
رجلٍ من زحول العرب كنه الحيد= ماكنه ألادمخ ولا الفريده
غير التواضع والكرم قمه الجيد = وممشاً على نهج الشيم والعقيده
يبكيه طفلٍ بالمهد يرضع الديد= ويبكيه شيخٍ ذاق فرقا عضيده
يالله عساه سعيد يحشر مع سعيد=ويدخل مع ابواب العباد السعيده
لو أتعب ركاب الشعر فيه واعيد=وأجود لجام البيوت العنيده
وأشقي حوافرهن على سجت البيد=وأحطهن في كل صفحه جريده
ماتوفي المرحوم كثر الأناشيد=راع الخصال النادرات الحميده
ومامات من خلف خيار الأواليد=ثلاثتن والكل منهم وليده
سباقتن للنعم بين الصناديد=ونظراتهم بين النشاما بعيده
وحنا ضحايا الموت جمله وتفريد=والفايز اللي ذكر ربي رصيده
الشاعر/ عطالله عبيد الشيباني
« آخـــر الـــمـــشـــاركــــات »
30-Mar-2010, 09:11 PM
عزالله أنه راح منا فقيده
العرض الشجري