جوّالك اللي على تحويل موجود .. سعود البرقاوي مرحبا بك !!!

[علي الشهراني]

السلام عليكم و صباح الخير

يسعد صباحك على ما قيل يا سعود=و الصبح دايم طواريقه جميله
جوّالك اللي على تحويل موجود=ليتك تكسّره وتدوّر بديله

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[ماجد العصيمي]

يالله صباح خير


صح لسانك يالشهراني

[علي الشهراني]

انت وش اللي جااااابك مع ذا الصبااح


على العموووم مرحبا بك و لا تعلم احد

[سعود البرقاوي]

وعليكم السلام واسف على التآخير

صباحك آسعد وانا مانيب مطرود = جيتك وابا العب معك با اسهل وسيلة
الكلمة اللي لها معنى ومردود = تعجب هل الراي واصحاب الفضيلة

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[علي الشهراني]

هلا و غلا و معذووور

البن و الهيل يا رجّال و العود=هاذي تراها معاريف الجميله
ان كان غرّك كلام حميد و حمود=فالله يعينك على جمر المليله

[سعود البرقاوي]

طيب طيب طيب

مدام اشوفك مابين النقص والزود = وشلون أحمّلك والحملة ثقيلة
قريش ماتنتسب لا اصحاب الاخدود = واصحاب الاخدود مافيهم عقيله

[علي الشهراني]

الله الله

عمك جبل ما يهمه صكة النود=لو صار ما صار ما جا فيه ميله
قريش تبغى دليلٍ يشعم الذود=ما همتّه طرقته لو هي طويله

[سعود البرقاوي]

الله الله ياعلي

لو الولد مقتدي من سيرة العود = لا اقول هذا الولد يسوى قبيلة
هداج بيرٍ علاه اهل البل ورود = وهاذي ترى ماهي بحاجة قليلة

[علي الشهراني]

طيب طيب يا سعوووود

العود يكرم و يكرم راعي الجود=لونّ كلٍ عيونه في سبيله
هداج تارد عليه البيض و السود=و البيض و السود حاجه مستحيله

[سعود البرقاوي]

عندك عندك

امعرب الجد جاه معرب جدود = والاصل محسوب للناس الاصيلة
ابو جهل يوم حك العود فالعود = جاه ابرهه يدرّج من فوق فيله