مدح سلمان بن صالح الدلبحي لعبدالكريم بن صالح جهز الدلبحي

[-عذب المشاعر-]

الاستاذ/عبدالكريم بن صالح بن جهز الدلبحي

اهداء بسيط مني انا/سلمان بن صالح بن فهيد الدلبحي
للاستاذ/عبدالكريم بن صالح الدلبحي
لما لقيته من ابو صالح من وقفات وفزعات من هذا الرجل لايعرفها الا من عهدها .

يابن جهز وصّل المرسول للوافي
اللي كفوفه بفعل الطيب ممتدّة


عبدالكريم ابن صالح منبعه صافي
له فزعةٍ بين خلق الله ومن مدة


هو مسرف الطيب والفزعات باسرافي
والعلم غانم ولابفعول منعدّه
الفعل والجود والوقفة والاعرافي
هي كلها تنتج الطيب وعلى حدّه


والوقت وقت اللوازم يظهر الخافي
ياتكتشف بالذهب ولّا حجر هِدِّه
اشهد وابوصالح لوقت اللزم كافي
هو ماسك الطيب من جذره ويشتدّه


عند الرجال العزيزة تكرم اللافي
خمسان معهم صكوك الطيب والعدّة
يفداه راع الردى واللاش والهافي
اللي تلاقيه وقت الضيق والشدّة


قبله ترى والده للقوم مشرافي
للشيخ هو ينتمي عرقه ومن قدّه
مكانته صدر جيش الطيب وسنافي
طبعٍ موّرث من الشايب ولا هدّه
ماظنتي باقيٍ للمرجله خافي
كل المراجل كسبها من فعل يدّه


كم واحدٍ يوم نبغي فزعته لافي
يقفي وتاطى صواديف الردى خدّه
سطرّت الابيات لاجل الطيب ينشافي
والقرم وقت الشدايد كالصقر عدِّه