السلام عليكم ورحمه الله وبركاته انا عضو جديد معاكم وهذه اول مشاركه لي

[خلف بن مساعد السبيعي]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

هذه اول مشاركه لي في منتدى قبيله عتيبه وهي قصيده كتبتها وهي تحكي قصه في مجتمعنا وان شاء الله انها تنال اعجابكم

اقول

دمعه يتيم(ن)فاقد الوالديني
خلتني انزف دمع من موق عيني
اكتب قصيدي والحزن يحتويني
الله يرحمنا ويرزق عبيده

طفل(ن)صغير(ن) ماتو اهله وخلوه
عايش بدون امه والاخيار ربوه
الله يرحم امه ويرحم ابوه
ويطول عمره في حياه(ن)سعيده

توه صغير(ن) يحملونه بالـامهاد
ودوه دار اتعلم الطفل الامجاد
وليا كبر روح معا شله الحاد
ولا صلاح الحال خير(ن) يزيده


عزي لمن عايش بليا عناوين
عايش بدنيا فارقوها العزيزين
الله يصبر ذا اليتامى المساكين
الي يعانون الظروف الشديده

يا أمه الإسلام احفاد الأخيار
يتيمنا يحتاج وقفه هل الدار
نوقف بصف(ن)ماتشتتنا الاقدار
ويطول عمر اهل السنن والعقيده

لخاتمه بختم قصيدي بالاحزان
كل ما نشوف ايتامنا تدمع اعيان
سبحان ربي خالقي عالم الشان
مع السلامه انتهت هالقصيده



وسلامـتـكم

ا







اخوكم:خلف بن مساعد السبيعي

[ابن صنهوت]

مرحبابك يا خلف وحياك الله في منتداك الثاني وصح لسانك وليتك منزلها في قسم قصائد الاعضاء لان هذا القسم للشعر الشعبي

[خلف بن مساعد السبيعي]

شاكر لك المرور يا ابن صنهوت والمعذره انا جديد في المنتدى ولا اعرف ان في قسم اسمه قصائد الاعضاء
انا اسف
ان شاء الله القصيده القادمه بنزلها في منتدى قصائد الاعضاء

[مشاري الحبردي]

صح لسانك يابن الغلبا ............................


وفي انتظار القصيدة الثانية ............

[كحيلان الهيلا]

صح الله لسانك


يابن الغلباااا



في انتظار ابداعاتك

[مرزوق الجعيد]

صح السااااااااااااانك يا خلف

ولا هنت

وننتظر الجديد

تحياتي

[سيف الجعدة]

تسلم ياخلف السبيعي

[خلف بن مساعد السبيعي]

صح بدنكم جميع وبيض الله وجيهكم يا عيال الهيلا ونعم في كم جميع

[سيف الجعدة]

ماعلاك زود يابن الغلبا باسم عتيبه

[ضاوي الغامدي]

صح لسانك يالسبيعي
وبيض الله وجهك
وفي إنتضار إبداعاتك

تقبل تحياتي ،،