خـط حايـل

[جهز العطاوي]

يسعد جميع اوقاتكم بكل خير ومسره
ابيات اتمنى تروق لكم

مع خط حايل نوينا ديـرة عتيبـه=جايين من ديرةٍ ماأبعـد مسافتهـا
من يم عرعر ودارٍ عاويٍ ذيبـه=نبا ديـارٍ سكـن قلبـي مودتهـا
عفيف دار الكرم والعز والهيبـه=إديار قومٍ على الطـالات عادتهـا
الخط نمشيه في صبحه ونسريبـه=من فوق هلي جديده في صناعتها
معيه خويٍ وسيع الصدر ياطيبـه=من روس قومٍ تهد جبـال همتهـا
متعب خوي السعد ماأبعد محاضيبه=ماهو من اللي تفشل نوب خوتهـا
وجينا مع الخط طاوينه ونمشيبـه=وانا اذكر الله على الهلي ومشيتها
وانا احمد الله وصلنا بخيرٍ وطيبه=لديار ربعٍ شغف قلبـي محبتهـا

وسلامة قلوبكم

التوقيع

سبحان الله وبحمده سبحان الله العظيم ,, أستغفر الله وأتوب إليه

[ولدعساف]

صح لسانك ياجهز والحمدالله على سلامتك انت وخويك .. وعفيف تستاهل ماذكرته من مدح هي وسكانها

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[معلا إبراهيم الأسعدي]

صح الساااااااااااااانك ابيات جميله جدا ً

أعجبني


متعب خوي السعد ما أبعد محاضيبه
ماهو من اللي تفشل نوب خوتهـا


ياسلام بيض الله وجهك ووجه خويك وحمدلله على السلامه

[جهز العطاوي]

ولد عساف صح بدنك والله يسلمك

اسعدني تواجدك العذب

اجمل الود ..!

[جهز العطاوي]

صح بدنك يامعلا

والاجمل مرورك طال عمرك

اسعدني التواجد العذب

ولاهنت