شطانة شاعر ..

[مرزوق حمدان العتيبي]

.....
الشاعر المشاكس.. والاخ العزيز:
عبد الله الغيثاني المري
زميل وصديق من الدرجه الاولى
ومن اكثر اصدقائي قربا الى قلبي
الاّ في مجال الشعر فلا
كثيرا ما يفاجئني بمراسلاته ومشاكسااااااته بين الفينة واالاخرى .
من فتره قريبه اتصل بي وانا في الدوام
فقال يابو محمد ..عندك فاكس ؟قلت له نعم
قال اعطني الرقم الله لايهينك عندي هديه ابي ارسلها لك .
اعطيته رقم الفاكس وانا متوقع وعارف وشهي هدايا ابو علي
وماكنت اقول الا يالله انك تسر
وصلني الفاكس وفيه هذه الابيات الساخنه:
اتركهااا بين ايديكم ويليهاااا الرد مباشره.

خبريني ياهبايب وشهي اخبار الحبايب=قاطعين الوصل عنا لا اتصال ولارساله
وين مرزوق العتيبي مات ولا وين غايب؟= هقوتي لوكان حيٍ ماقطع عنّا اتصاله
حسبي المولى على مرزوق من عرض الحسايب= هو رفيقى من قديم وخابره شلّي جراله
ما انتسي عن صاحبي لو ركزوا فوقه نصايب=وهونساني مالي الا كم شهر هو وش طراله
الصداقه ماتدوم ان كان داخلها شوايب= ماندّور منه مال وبارك الله له حلاله
والصداقه يالعتيبي ماتكوّن بالغصايب= من رخص عنده صديقه جعل مايرخص رياله
والهنوف اللي تنقض شعرها فوق الترايب= جعلها عنه تشوم ولا ترومه باي حاله
من قديم الوقت يوم ان الزمن سلب ونهايب= كل من له صاحبٍ لوّه من القوم ايعناله
ذاعتابي يالعتيبي منه انا مانيب تايب= وانت من ناس يحبون الشجاعه والشكاله
خوة الطيب تجارة عز في وجه النوايب= قبل لاتنشد عن الرجال انشد عن خواله

وهذا الرد

مرحبا فاابيات شعرٍ تحمل امزوح وعتايب=من صديق ٍ لو يطول الوقت ماادوّر بداله
مرحبا فيها عدد ماحنت ارعود السحايب= اوعدد مالاح براق الحياء وامـــطر خياله
ابشر اني حي في وسط الزمان ابو العجايب = يغفل الرجال فيه ويبعده زودانشغاله
كل رجلٍ له ضروفه كل شيٍ له سبايب=قبل ماتعتب على الرجال طالع وش حواله
يوم عبدالله يعاتب ما اجمل اعتاب الصحايب=يتهمني بالقصور وين ماشفنا وصاله!!!!
ليه ماسيّر وانا وياه بالحاره قرايب؟= ماتكلفه الزياره كان يطمع فالجماله
والله انه من رجالٍ فعلهم يوم الحرايب=يزعل العدوان .. لكن مايحبون العياله
الكلام اللي بعث به والتشره والطلايب =ناتج ٍعن حبه لشخصي ومن طيّب خصاله
والصداقه ماتغيّر مع رياجيل الصلايب=والصديق المحترم يبقى السعد والخير فاله
والوفا من طبع اهلناوالكرم فينا وهايب=حافظين المرجله ونقوم بحقوق الزمــــااله

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نادر بن طريخم]

صح السانك يامرزوق ورد وافي وكافي من شاعر متمكن
وصح السان المري
ودمتم بخير

[مرزوق حمدان العتيبي]

...
صح بدنك ياخوي نادر
ولا عليك زود يابن العم
شكرا للحضور الباهي والتعليق الزاهي..
اخوك

[دريد ابن الصمة]

صح السانك يا مرزوق .... رد وافي من شاعر متمكن...

وصح السان المري . .

تحياتي ...

[ابوسليمان]

صوت وصدى ولاااا اجمل





صح لسانك يامرزوق ولسان المري




اقبل اعجابي ومتابعتي الداااائمه




احترامي,,,,,,

[مرزوق حمدان العتيبي]

دريد بن الصمة
صح بدنك ياالغالي
هلابك وهلا برؤية حروفك.
لاهنت ...

[مرزوق حمدان العتيبي]

الاخ الغالي
ابو سليمان صح بدنك
الشرف لي ياطويل العمر
في متابعتك واعجابك..
الف شكر لك على ذلك ..
اخوك

[نياف العتيبي]

مرزوق العتيبي

الله يبيض وجه المري

عزالله انه من لابه ينعدي بهم

وقصيده تبحث عن إحياء امور قد تندثر مع مرور الزمن

واصبحت الصداقه ذات سمات واهداف لم تعد كما كانت

الله يوفقكم اثنينكم وتدوم الصداقه وعلوم الغانمين بينكم

اما القصيدتين فهما صوت وصدى ولااروع
استمتعت بهما وبمضمونها الجميل

تحيه من اخيك
النااااااااااااايف

[وصل العطياني؟؟؟]

ما تعطيني رقم الفاكس أبى أردجك بقصيدة

ما اقول غير صح لســانك ولســان المري ..

قصائد فيها من الحكم والتعريف بالصداقة الشيء الكثير ...

لا هنتوا يالذياب ..




تحياااااااااتي

التوقيع

na111na@hotmail.com

[مهنا الدلبحي]

صح السااااااااااااانك يابو محمد وصح الساااااان المري
وفيتوا وكفيتوا وكلها علوم رياجيل والله لا يفرق النشاما عن بعض
لك التحيه والتقدير
أخوك ــــــــــ مهنا الدلبحي