قصيده للشاعر مستور المقاطي .. في عيال الشيخ سلطان بن جهجاه بن حميد

[رايد الهديبي]

السلام عليكم ورحمة الله وبركاته


قصيده جزله لشاعر : مستور بن منسي المقاطي


في عيال الشيخ : سلطان بن جهجاه بن حميد


وانشاء الله تنال علي رضاكم

سلام ياذخر الشيوخ المناعير =اللي لهم في كل ديره علامه
من قلة الحره ليا هضبة النير = ومن الحجاز ليا روابي تهامه
ويوم النيامس والسيوف البواتير = وخيم علي نجد المسمى عسامه
ارسو مثل مرسي الجبال المعاسير = وصارو مثل بدر الدجي في تمامه
أهل الرمك واهل الجيوش المقاطير = واهل القنا والسيف واهل الزعامه
واهل الشحم واهل الدلال المباهير = وانتم بعدهم وراثين الكرامه
سلطان مقدوم (ن)يقود الطوابير = وان وصلت الصملة يدوس الجهامه
اقفى بعد عقب صقور (ن) مشاهير = وانا حمد الله ما علاهم ملامه
فيصل يعدونه مثل سالم الزير = وانته سوات ذياب مدري سلامه
لو يغرف الغراف ما ينقص البير = عد الروي محفور مليون قامه
اليوم عندي ناقة (ن) عيت اتسير = وحظامها مقطوع مدري علامه
حثو قدمها يا حماة المظاهير = وانتم ذرانا لين يوم القيامه

تحياتي

[مشاري الحبردي]

صح لسان الشاعر
مليون ونعم ولا تسد بالشيخ فيصل ........ ورحم الله سلطان عتيبة
ولاهنت يارايد

[رايد الهديبي]

ماعلاك زود

ولاهنت علي المرور والمتابعه

[أبوثنتين]

الله يرحم شيخ الشيوخ

سلطان بن جهجهاه بن حميد

ذلك الرجل الداهية



والنعم بالشيخ / فيصل بن سلطان بن حميد وأخوانه




وصح لسان الشاعر / مستور المقاطي



لا هنت اخوي

[رايد الهديبي]

لاهنت علي المرور والمتابعه ,,

[رايد الهديبي]

لاهنتو علي المرور