الـــصـــبـــر والـــحــــكـــمــــه!!!!!!!

[السامي الجعيد]

	هذه قصيده لشاعر الفذ/عيد بن جابر الجعيد تحكي عن واقع لبعض الأبيات .....الصبر والحكمه...... يالله يامسقي الشجـاري والادبـاش=بغيثاً مـع الوديـان تـدرج سيولـه تجعل لنا في سكة الخير مطـراش=والحق بيـن النـاس نقـدر نقولـه ونعوذ بك من شر مايصنع الـواش=ومن كل نفـس ٍ فالخطايـا جهولـه وشياً يخلي صاحي الفكـر ينـداش=وهرجاً يجينا طايشاً عـن اصولـه والله مايرضى الخطأ غير غشـاش=قولو لمـن يشـره علينـا قولولـه لايفرش البيداء من النـار بفـراش=نـار الفتـن ماتنطفـي بالسهولـه ولاينقش احداث المشاكـل بمنقـاش=الصـف واحـد ماتجيـه الميولـه والي حصل بين النواظر والأرماش=غصباً علينـا مارضينـا حصولـه اقدار منها العبد في صفحته حـاش=لازم يواجههـا وتـبـرك ذلـولـه من خلقة الدنيا وهي حرب وهواش=وابليس بين الناس يسـرج خيولـه الصبر والحكمه دواء الجاش لاطاش=فيها يحصل راعـي الـدول دولـه مهما حصل عيب الرياجيـل تنـاش=يامقيسين الهرج عرضـه وطولـه قدر النشامـا ماعرضنـاه ببـلاش=عنـه العلـوم الهينـات امعزولـه

[سلطان نايف العضياني]

صح لسان الشاعر عيد الجعيد

ولاهنت يالسامي

[الامير حريبيش]

مشاركه قيمه يالسامي الجعيد وصح لسان الشاعر الكبير عيد بن جابر الجعيد وصراحه بيت اعجبني اللي يقول
واللي حصل بين النواظر والارماش----------- غصب علينا مارضينا حصوله

[البريماني]

بيض الله وجهك يالسامي

وأنا أعتقد أن القصيدهـ جديدهـ


صح الله اللسان عيد

ولاهنت

[أخو جوزا]

الصبر والحكمه دواء الجاش لاطاش
فيها يحصل راعي الدول دوله


صح لسان عيد بن جابر

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾