" مسوّده .. مسودّه "

[حسن إبراهيم الدجيماء]

.
السلام عليكم
.

لا يامشاري علا ضغطي على حدّه = من زود في زود مار الصبر له حدّي
من ليلة البارح الأعصاب مشتدّه = أشدّ وتشدّ وأضعف شدّها شدّي
أنا وسمر الليال العوج والشدّه = والغيب خيره وسوّه ندٍّ لـ ندِّي
تصويب ومداحم وهجمات مرتدّه = وأهداف متتالية بالرجل واليدّي
والحظ جاير وجور الحكم لابدّه = لا ( بان ضعف الضعيف وقوّة المدّي )
اشوت يمّ الهدف وتناحر القدّه = ولاحصل لي خلف فالجهد والكدّي
من عقب ماكنت شاعر ماحدٍ قدّه = اليوم منهو على قدّه على قدّي
مابين شحّ الزمان الباير ومدّه = وظروفه الصعبة اللي بيّحت سدّي
للواقع ألدّ شوف العين وأصدّه = وأخاف من مقبل الأيام وأعدّي
لو إني أدري صدوف الدهر ممتدّه = وسلاسل مسلسلاته من عصر جدّي
لكن زمنّا تساوى مزحه وجدّه = وأخلف مساره مسار الصارم الجدّي
والله له الحكم والأقدار في يدّه = والغيب مكتوب وسط اللوح ومعدّي
النفس ماتحتمل والقلب ماودّه = والدمع مجرا مسيله بيّن فـ خدّي
من هول ماشفت زود الذل من مدّه = من عقب عزٍّ عزيز وساده تسدّي
الغرب يبسط نفوذه جور ويمدّه = على ضفاف الديار المسلمه مدّي
مسوّدات الأمن والعدل مسودّه = سوّد سواد الوجيه الوجه وأسودّي
مجهّز لْنا الجيوش وممّن العدّه = اللي سلم ليلته لايامن الغدّي
يزل ويذل دوم ونفتح السدّه = اليا اعتذر عقب جزّ الروس والجدّي
يالله بسيلٍ مثل سيلٍ جرف جدّه = وألا بطوفان ماياقف له السدّي
يمسح معالم ديار الشرك والردّه = ولابه شبر ماخذا حقه من الهدّي
هذي هواجيس من وضع العرب حدّه = يبيح ماكنّه من سنين ويعدّي

.

إحترآمي
.

[فهيد مقعد الرويس]

هـذي هواجيـس مـن وضـع العـرب حـدّه
يـبـيــح مـاكــنّــه مـــــن سـنــيــن ويــعـــدّي

صح لسانك ملاااااااااااااايين

قصيده عصماء من شاعر مبدع لايستغرب عليه الابداع

لله درك

تقبل اطيب تحيه

[أبن حشيان]

اخي حسن الدجيما صح لسانك الله يكفينا اشرار هذا الوقت المجنون الذي لايرحم ولايخلي رحمت الله تنزل عموما ابدعت فيما قلت والله لايهينط

[فيصل مطر]

ياالله بسيلن مثل سيلن جرف جده=والاطوفان ماياقف له السدي

بيض الله وجهك بيت يضفي على القصيده وجه آخرمن الابداع والتميز
وصح لسانك على القصيده الجزله والي تنم عن جزالة شاعرهابكل وظوح

تقبل مروري

و راجع الغلطات المطبعيه واجدعندك وترى الشعر.يكتب كماينطق بالظبط وليس بطرقة كتابة الخط

...

[عمر الدغيلبي]

صح لسانكـ


نص جزل


.

.

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[عناد الشيباني]

الله الله

صح السااااااااااانك..

[العقاب الناوي]

صح لساااااااااااانك جزل جزل بيت بيت شطر شطر زنقه زنقه
هههههههههههههههههههههههههههاي امتعتنا بمعنى الكلمه

تقبل خالص تحياتي