تغطية أمسية عضو منتدى الهيلا وشاعرنا /نايف العبيد العتيبي

[محمد العتيبي]

السلام عليكم ورحمة الله وبركاته ..

أجمل باقات الورود أقدمها لكم أعضاء وزوار منتدى عتيبه الهيلا

في ليلة من أجمل الليالي التي كان نجمها الشاعر المتألق / نايف العبيد العتيبي ..في امسية شعريه اقامتها وزارة الثقافه بمملكة الاردن وبمناسبة مهرجان ملتقى السرحان الخامس حيث ابدع شاعرنا وعضو منتدى الهيلا الشاعر / نايف العبيد العتيبي واترككم مع التغطيه والصور

وهذه أحد القصائد التي قدمها الشاعر بمناسبة حفل قبيلة السرحان الخامس في مملكة الأردن الشقيقة 1430هـ

المبتدأ باللـي خلـق للبحـر شـط=اللي دحى أرضه ورسّابهـا الطـور
وصلاةٍ أزكى مـن عطيـط المخلّـط=على الشفيع اللي غدى للبشـر نـور
ومن بعدها يامحمـد الجـذل سفّـط=البهبهانـي ودّنـا نقطـع الـبـور
إنت الكريم اللي علـى الطايلـه نـط=وإنت السلاح اللي ذعر كل مذعـور
وإنت الرفيق اللي على الدرب ماغـط=من فوق جمـسٍ للمهمـات مخبـور
على صحاصيح الخـلا ذيـبٍ امعـط=توايره تُودع صفى القـاع مشطـور
يرقابنـا روس المشاريـف وهْبـط=ويشوحنا من دون عرعر وابا القور
مكينتـه ماينتـثـر زيتـهـا قــط=ولاتحتمـي لوقامـت سيـوره ادّور
له هيبـةٍ لاجـا التفاتيـش وشْـرط=واليـا وقـف كـلٍ تحـلاّه مبهـور
لجّـة مواصيـره هديـر المـربّـط=مابيـن ذيـدان المباكيـر مهجـور
وقدحت شكامينـه كباريـت تشْخـط=والاّ شهابٍ في دجى الليل مسجـور
الجيـب لوسـوّى سوايـاه خـبّـط=حتى السفاري من مزايـاه مقهـور
أسطوري الهيكـل خرافـي مجنّـط=تقول فلـمٍ مخرجـه نجـدة أنـزور
أنا اشهـد إنّـه للمهمـات والخـط=مشكور يامن صمم الجمس مشكـور
ويالشمري ادعس على البنص وشْحط=وعنّز على الأردن معَ فجّـة النـور
نبي على المبـروك نكفـخ ونمْغَـط=حرّوة مغيـرٍ للسراحيـن مشهـور
هل البويضاء لحْتمى الوقت وشْتـط=ترسي كما يرسي على الموج بابـور
كم فارسٍ من هول رمحـه تفرشـط=وعوّد على ربعـه كسيـرٍ ومدحـور
على العدا أقسى من السيف وسْلـط=وإلاّ موالينـه بساتـيـن وزهــور
تكْرم جناب الضيف بالطيـب وتْحـط=مع الشبب كيـف المباهيـر وبْخـور
ستر اللي بعويد الشمطـري تمشّـط=ريف الدخيل اللي زبن حرْوة الـدور
يقولـه اللـي زاج طرسـه تمغنـط=كن اليراع ابخنصره بـات مسحـور
النايـف اللـي بالمهمـات يقـلـط=شاعر هوازن لا حضر مثّـل الـدور
وخْتامهـا يافـارقٍ بحـره ابـشـط=تخْتم مساعي حفلنـا بذنـب مغفـور

-----------------------


من المهرجان :
ـ المهرجان استمر ثلاث ليال حيث بدأ يوم الخميس 9/7/2009
ـ أمسية شاعرنا كانت في الليلة الثانية من المهرجان وتلقي عاصفة من التصفيق بعد نهاية الأمسية .
ـ شارك مع شاعرنا الشاعر السعودي محمد الشمري .
ـ حظى المهرجان بتغطية اعلامية وصحفية كصحيفة الدستور الأردنية وعدد من القنوات الفضائية .
ـ تخلل الحفل عدة فقرات من الفنون الشعبية كالربابة وفرقة معان والرمثا بقيادة الفنان الاردني رامي الخالد .



صور من المهرجان



السلام الملكي لاردني



وزير الثقافه الاردني يتقدم الحظور





جانب من الحظور



الشاعر/ نايف العبيد العتيبي







الشاعر مع اللجنه الاعلاميه





الشاعر يستلم درع تذكاري بهذه المناسبه



صوره جماعيه مع الوزير الادرني

التوقيع

للتواصل عبر twitter تويتر al_bargawy@

[@ـايل]

لاهنت يامحمد ..

وصح لسان الشاعر / نايف العبيد ..

امسيه رائعه وتغطيه ممتازه ...تشكر يالغالي على النقل الموفق..

.......

التوقيع

تويتر : AlHooL@

[عبدالرحمن الهيلوم]

شصح السانه

وبيض الله وجهك يابو متعب


ولاخلا ولانعدم من تواجدك الممتع ومشاركاتك الطيبه

[محمد العتيبي]

هايل العتيبي

الشكر الجزيل لك على مجهودك وتواصلك الرائع ..

تحيتي لك
..

[محمد العتيبي]

عبدالرحمن الهيلوم

الطيب يكمن في مرورك وتواصلك الطيب ياطيب ..

تحيتي لك يالغالي
..

[أبو مرحبا]

تغطيه رائعه

لأمسية الشاعر الرائع عضو منتدى الهيلا نايف العبيد العتيبي


لاهنت يابوحميد على المجهود

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد العتيبي]

شكرا للغاااالين على مرورهم الطيب ..

[الرومي]

تغطية اكثر من رائعة .

التوقيع

migeed33@hotmail.com

[ابو محمد الدعجاني]

تغطيه رائعه

لأمسية الشاعر الرائع عضو منتدى الهيلا نايف العبيد العتيبي

وكل التوفيق له انشالله

اخوي محمد دائما متميز بما تطرح

شكرا لك

[محمد العتيبي]

الرومي

اشكرك على مرورك الرائع يالغالي..

تحيتي
..