يا معجب العام جاني منك قطعة قماش (معجب العتيبي )

[رعد الروقي]

الناطق الرسمي ( معجب العتيبي )



تعال امزح لاهنت

يا معجب العام جاني منك قطعة قماش=واليـــــــــوم غيّرت في رايك ورديتها
ماني عليها حريص ولا وراها معاش=لكــــــــن بعض السوايا كيف سويتها

[معجب العتيبي]

هلا ياعم رعد

انت صليت؟ ههههههههههه

دوبني انتبه للطاروق

يالربع لاتسمعون اللي يحب الهواش=واليوم جمعه ولاهي حول توقيتها
ان كان تبغا الحقيقه لابديت النقاش =والله مارد الهديه عقب مديتها

[عبد الرحمن الفرهود]

يعني من انصدق كلكم ثقه...لكن صحت الالسن والقلوب

[رعد الروقي]

البقا يا معجب ههههههه

اجمع واقصر // مسافر مع الخط هههههه

هـــــذي حقيقة ولو دققت حول الفلاش=شاهدتها بالدليل ولا تعــديتها
مديتها قبل شهر وقالوا النــــاس عاش=لكنك اخر زمانك جيت واعميتها

[رعد الروقي]

صدق معجب يا بارود


حياك الله وصح بدنك وقلبك

[ابو لمار]

يا معجب العام جاني منك قطعة قماش
واليوم غيّرت فـي رايـك ورديتهـا
ماني عليها حريص ولا وراها معاش
لكن بعض السوايـا كيـف سويتهـا


ههههههههههههههه
الله الله يالعمده
وش تبي في القماش
يمكن بيغيّره لك معجب طلع
ماهو مقاسك هههههه

صح لسااانك ملايين يامبدع
ولاهو غريب عليك الابداع يابحر

يالربع لاتسمعون اللي يحب الهواش
واليوم جمعه ولاهي حول توقيتهـا
ان كان تبغا الحقيقه لابديت النقاش
والله مارد الهديـه عقـب مديتهـا

هههههههههه
والله الرجال يتهرب ياعمده
ارفع عليه قضيه في المحكمه العليا
ههههههههههه

صح لسانك ياستاذ معجب ملايين
انت مصدر من مصادر الابداع



واصلوااا يامبدعين



متااابع للابداع

[حمد بن جوباح]

.
..

الله الله الله

محراف من بدايته حامي

صحت ألسنتكم يا الغاليييييين

ومتااااابع

.
.
.
























تحياتي لكمـ ،،

[معجب العتيبي]

مافيه شيٍ يجيلك في حياتك بلاش=الا الهديه وجتك وقمت وابليتها
ياصاحبي يارعد مالك ومال الخشاش=على القيادي عيونك ليتها ليتها

[معجب العتيبي]

بارود صح بدنك


وصدق العمده


واسأل عن الاسباب ههههههههه

[معجب العتيبي]

ابو لمار


لاعدمت التواجد الرائع


يبيلك جلسات مع العمده بخصوص بعض العلوم اللي تروع خخخخخ


صح بدنك

وشكرا لمرورك