يا معجب العام جاني منك قطعة قماش=واليـــــــــوم غيّرت في رايك ورديتها
ماني عليها حريص ولا وراها معاش=لكــــــــن بعض السوايا كيف سويتها

يالربع لاتسمعون اللي يحب الهواش=واليوم جمعه ولاهي حول توقيتها
ان كان تبغا الحقيقه لابديت النقاش =والله مارد الهديه عقب مديتها

هـــــذي حقيقة ولو دققت حول الفلاش=شاهدتها بالدليل ولا تعــديتها
مديتها قبل شهر وقالوا النــــاس عاش=لكنك اخر زمانك جيت واعميتها

مافيه شيٍ يجيلك في حياتك بلاش=الا الهديه وجتك وقمت وابليتها
ياصاحبي يارعد مالك ومال الخشاش=على القيادي عيونك ليتها ليتها