الله خلق أذنين للسمع مفتاح ### ولسان بيدك هدته وامتناعه

[عيد العتيبي]

اخواني واخواتي شعراء موقع عتيبة الهيلاوزواره
السلام عليكم ورحمة الله وبركاته
يسرني ان اشارك معكم بهذه القصيدة المتواضعة
كمصافحة أولى راجيا ان تنال اعجابكم
ودمتم سالمين
اخوكم عيد العتيبي

[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=200% align=center use=ex length=0 char="" num="0,black" filter=""]
العرف ياهل العرف في خاطري فاح

نهر من المعنى قوي اندفاعه

يبدي على العالم كما النور منباح

من خاطري يادوب تم اختراعه

قاف بصدري كنه الخيل جِماح

صغته بحكمة للرجال وبراعة

عن مشكلة بين العرب سدها باح

كثر الكلام اللي يغيض الجماعة

في مبتغاه قليل المعرفة طاح

يصعب على كل القلوب انتزاعه

ويصير ثرثار للأقوال مياح

تلقاه بين الناس مثل الأذاعة

يعطيك حنظل مر ومرار تفاح

يخلط على طعم العسل سم ساعة

ما تسمع الا دبلة الكبد وصياح

ومغامرات الهلوسة والمياعة

يتعبك في المجلاس ويزيد الأجراح

ومن نقد خلق الله عنده مناعة

والله ما اواطن كلامه ليا ناح

والناس تكره جلسته واجتماعه

وسلامتكم
اخوكم عيد العتيبي

[/poet]

[سمران القثامي]

الأخ الغالي / عيد لاحق العتيبي الله يسعد مساك بالخير يابو فارس وأهلا وسهلا بك بين ربعك وأخوانك أما بالنسبةللقصيدة شهادتي فيك مجروحة 00مبدع ياعيد


أخوك/ سمران القثامي

[((الدلبحي))]

وعليكم السلام ورحمة الله وبركاته
ياهلا ويامرحبا ياعيد
في محلك
ونتشرف بتواجدك معنا
صح السانك

[صـويب الرمـــش*]

وعليكم السلام
اخوي العزيز عيد العتيبي هلا وغلى فيك
ومنور بوجودك وعز الله قصيده جزله تسلم يمينك وصح لسانك

[عيد العتيبي]

شكرا لك اخي سمران القثامي
مرورك اسعدني يالغالي
تحياتي وتقديري
اخوك عيد العتيبي

[عيد العتيبي]

اخوي الغلي الدلبحي
المهلي مايولي اخوي ويسعدني ان انضم
الى هذه المنتديات الرائعة بوجودكم
وامثالكم من اهل العلم والمعرفة
تحياتي وتقديري
اخوك عيد العتيبي

[عيد العتيبي]

اخوي الغالي صويب الرمش
المهلي مايولي
شكرا لك على الترحيب
وصح بدنك يالغالي
وتمام سعادتي ان ابياتي المتوذعة اعجبتك
دمت ودام مرورك
اخوك عيد العتيبي