حسبي على حبيب. وملفي .ومستور ,,,,,,,

[ابن صنهوت]

بسم الله الرحمن الرحيم

انا غني عن هرجة العمي والعور=ولا احب اوضح فالقصيد الا سامي
يالي تقول انت متكبر ومغرور=اخذ الجواب مغلف بحترامي
حسبي على حبيب. وملفي .ومستور=وسفر. وشاعرنا الكبير الزلامي
اليا سمعت ابيوتهم مرني دور=محمد الاحمد رفيع المقامي
الي بيوته ما بها بيت مكسور=وتمتاز بالحكمه وشد الكلامي
والا( مغازل جارته) طايح الشور=اله نضام يختلف عن نضامي
لو كان صخر له دعايه وجمهور=ماهوب في وقت الشدايد حزامي
ليا عرض لي هاجس شبه مطيور=شرد القوافي فيه هيمن حيامي
يبرا لهن فوج (ن) من الهم مكبور=مصومن في غير حل الصيامي
له عادتن معهن قبل شعة النور=تسديدة الرامي ليا صار رامي
موجز خبر حبيت اخليه مقصور=والا الحكي كثر الجراد التهامي

غـــــــلاب ود الثـــــبـــيـــتــــي