قصيده من اجمل القصايد نامل معرفة قايلها

[خالدالعصيمي]

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
هذه القصيده من اجمل القصايد

ولاكن لااعرف من قايلها

ارجو من يعرف القايل ان يضيفه

مشكووووووووورآ



يالله ياللي كل عينٍ ترجاه "=
يامدرج الافلاك ياخير هادي
ياللي ليا ضاقت علينا طلبناه"=
عليك ياوالي الامور اعتمادي
امشي على اوامره وادور ارضاه"=
واسئله الغفران يوم التنادي
يومٍ شديدٍ تشكي الناس بلواه "=
من الرسول موكدينه وكادي
يوم يشيب روس الاطفال مبداه "=
ما ينفع المذنوب صفق الايادي
البعض منهم واهج النار تصلاه "=
والقسم الاخر في ظلال وبرادي
من فاز يعطونه كتابه بيمناه"=
ويصير جوه عقب الاشفاق هادي
خسران يا بياع دينه بدنياه "=
طول الدهر لافاد ولا استفادي
من قام ضد الدين لاربح مسعاه"=
عليه ناحو لابسات الحدادي
والخاتمه يعطى كتابه بيسراه"=
ويصبح على حزنه وويله ينادي
على الظلال يعيش الوقت قضاه"=
قضا حياته غفلة وانتقادي
اللي اشترك في الظلم يصبر لما جاه "=
يصبر ليومٍ فيه يثنى القيادي
ياوجد من كثرت خطاياه وجداه "=
عقب الترف والعز شاف الزهادي
ترضى لنفسك يافتى الجود ترضاه "=
تمشي مع الارفاق من غير زادي
الوقت لا طالت لياليه عفناه"=
مطال يقصر والمصير النفادي
دنيا دنيه ربحها اليوم شفناه "=
نارٍ تولع واخرتها رمادي
كم غافلٍ غاراتها كدرت ماه"=
ان صبحت والا تهجده هجادي
عليه ميلات الدهر تشمت اعداه "=
يرجع عليه الوقت هم ونكادي
ماينطوي المعنى على غير مطواه "=
ولا ينجح اللي في ملفه سوادي
اللي مضا من الوقت بعضه نسيناه "=
واللي ذكرنا مثل حلم الرقادي
ياليت يرجع وقتنا اللي خسرناه "=
وان الخطا اللي فات ليته يعادي
غلطان ياللي سلم الاجواد خلاه"=
خلى الشرف واختار درب الفسادي
لا تقتدي بافعال هاك وايـاه "=
صداقته تشمت عليك الاعادي
الله ياالذي هقاويه مــرداه "=
اصبح ذميمٍ بين حضر وبوادي
الشرف في لاماه والعيد فرقاه "=
اخذ النصيحه يافطين الفوادي
ينكر خطا غيره ولا ينكر خطاه "=
وزودٍ على كثر المجادل اعنادي
وعلى عروض الناس يركض مطاياه"=
وفرغ مشاويره على غير قادي
من رابع الخايب سكن دوم وياه "=
لبس الدناسه عقب لبس الجدادي
ومن طاوع الشيطان في دينه اغواه"=
يصبح غريقٍ بين الامواج غادي
اللي قبل منا النصيحه نصحناه "=
واللي عصا يهديه رب العبادي
من عاشر الطيب ترى الطيب شرواه"=
وبالطيب يرقى نايفات المبادي
خلك مع الطيب وممشاك ممشاه "=
ورافق على الربع القروم العوادي
العز ياللي تنتمي له وتبغاه "=
ماهوب في الكوره ولعب النوادي
عز الفتى دينه وسلمه ومرباه "=
وربعه عضوده عند قدح الزنادي
العز في الجمعا على الدين واهداه"=
والذل و الخذلان في الانفرادي
والمرجله رجمٍ بعينك مرقاه "=
عسرٍ على العاجر طويلٍ عيادي
والبخل مازود هل البخل في الجاه"=
والمدح ماناله كبير الوسادي
احسب حساب الوقت واعرف قضاياه"=
وخلك على طول الحياه اقتصادي
ورزقٍ يحوشه صاحبك لا تمناه"=
ومع الشريعه لا تسوي اعتقادي
واللي صفا له مقدم الوقت واغناه "=
لا يحسب ان باقي الليالي عيادي
وسر الفتى لابد يعرف من اقصاه "=
يعرف وبافعاله تذيع الروادي
وماقدمت يمناه يحصى ويلقاه"=
يحصيه من دمر ثمودٍ وعادي
اللي صلح والمصلح اجره على الله "=
والي عفا عن خصمه اجره يزادي
ياما سمعنا من الكلام وتركناه "=
واصد كني ماسمعت المنادي
اللـه من قلبٍ طواريه تشعاه "=
ونفسٍ تعاتبني وصدرٍ حشادي
انشد عن اللي تقصده قبل تنصاه"=
واكسب معرفه الرجال الجيادي
معرفة الاجواد ربحٍ كسبناه"=
مسكٍ وعنبر والتلالي زبادي
لا جــاك مبليٍ زمانه تحداه "=
حده عليك من اشهب اللال حادي
واسه ولا تخبر عدوه ببلواه"=
واصبر على الشدات صبر المهادي
وماينفع المحتاج رزقٍ تعداه"=
ولايغني الكسلان كثر القعادي
ياللي تريد الحر دور لمجناه "=
يعجبك لا اطلقته نهار الهدادي
لما اعترض جول الحباري تولاه"=
زنده قويٍ والمخالب احدادي
يهوي سريع وكال ما ناش ضواه "=
من الجو حولها عريض الثنادي
ودرب الردى والجو كله عرفناه "=
يالله تهدينا لدرب الرشادي
السيل مايأتي على غير مجراه "=
ولا ينعطي لاول شهاده اعدادي
واللي يبي يملك بيوتٍ مبناه "=
مايمتلك شيٍ بدون اجتهادي
واللي نثر حبه على غير مسقاه"=
يخسر ويندم عند وقت الحصادي
كلٍ على مقصد فؤاده ومعناه "=
ولولا المقاصد ماوصلنا المرادي
عزي لمن ضيع رحوله بمسراه "=
ظل الطريق وضاع منه الجوادي
الوقت قيض واصبح الدار مضماه "=
لا له دليل ولا يعرف البلادي
القاف شاب وبسم ربي ختمناه"=
اللي بسط سبعٍ وسبع شدادي
وصلوا على اللي دلنا واتبعناه "=
عد المطر واعداد ما سال وادي
نبينا اللي جنة الخلد مأواه "=
مبعوث وارسل رحمةٍ للعبادي


[/poet]



-