كم لحيةٍ مقدارها من على الـروس = وكم لحيةٍ من تحت الاقـدام تنـداس !!

[زياد المزرمي]

هاذي القصيده سألني عنها

احد الاعضاء ويوجد بها بيتين فالتوقيع وطلبها مني كامله

وها هي بينكم

وش حيلتي لادق فالصدر هاجـوس = مالي ياكود اجيب حبـرٍ وقرطـاس
اليا نطقت بهاجسي حاسني حـوس = واليا كتمته يشغل القلـب والـراس
ياهاجسي روٌح ترا ماانت محبـوس = واسبح بحورٍ مالهـا حـد وقيـاس
لاهاجت امواج البحر كانها طعوس = ماينطح الغبـات ياكـود غطـاس
عشنا واخذنا فالزمن علـم ودروس = وفيها عرفنا الناس باشكال واجنـاس
كم لحيةٍ مقدارها من على الـروس = وكم لحيةٍ من تحت الاقـدام تنـداس
احٍد على الطالات كسـاب نامـوس = لاهـو بنمـامٍ ولاهـو بـهـلاس
وراع الوفا والطيب ما هو بمطموس = يشع صيته كانه اشعـاع الاكبـاس
وفالمجتمع يا ناس ناسٍ كما السوس = والسوس كلٍ يعرفه زيـن يانـاس
اليا طغى كم شلّع ضروس وضروس = حتيش لو راعيه بـه قـوه وبـاس
وترا الله اللي يرفع نفوس ونفـوس = تطمن ولامعها على الطيب مجلاس

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com