لميس .. وسنوات الضياع !! للشاعر / محمد القثامي

[حلو النبا]

هذه القصيده للشاعر الكبير / مــحــمــد الــقــثــامــي





============================

العذر منّا يابن سينا وصّلـه لابـن النّفيـس=حنّـا تغيّرنـا وغيّـرنـا بَـعـد ملبوسـنـا
من عقب ماكنّا ندوّر صافـي الـدر النفيـس=ونارد على عدّ الـروى وسراجنـا فانوسنـا
اليوم صارت شاشة التلفاز هي نِعْم الجليـس=نجلس لها ماهمّنـا مهمـا يطـول جلوسنـا
ومنها تعلّمنا نقلّد موضـة الغـرب البئيـس=وصرنا نطقّس بالطقوس اللي مهي بطقوسنـا
وضاعت قيَمْنا واعتلا في سوقنا سعر البخيس=لو كان ماهي في مناهجنا وضمـن دروسنـا
واكبر دليل انَا عرب وِمْن الخميس ليا الخميس=مع بث شاشات الفضا قمنـا ندربـي روسنـا
عميان في طرد الهوى ونْتابع مسلسل لميـس=تركيّـةٍ لفتـة هَدَبْهـا أثّــرت بِنْفوسـنـا
تحكي عنِ سْنين الضياع وتندب الحظ التعيس=وقمنا نقطّع روس اصابعنـا بشفـرة موسنـا
مدري متى نصحى من الغفلات والحلم الكبيس=اللي رياحـه بعثرتنـا واعْصفـت بغْروسنـا
لكن على الله تَنْصَلِح ونْعُـود للـدر النفيـس=ونْعيـد مجـدٍ لاتذكّرْنـاه نـرفـع روسـنـا

[صالح الدعجاني]

صح لسان شاعر مــحــمــد

مشكور خوي

كفيت وفيت

[@ـايل]

صح لسان الشاعر محمد القثامي على الابيات الطيبه ... اللي تتكلم عن الاحداث الحاصله ... والضجه الاعلاميه ....ومتابعة كثير من الناس لمثل هذه البرامج .. والمسلسلات التي تخدش الحياء ...نسال الله ان يهدي الجميع الى طريق الحق والصواب ...


ملاحظه عن ابن سينا فهو عالم عربي اشتهر في الطب والفلسفه ... ولكنه انحرف انحرافا شديدا .. ويعتبر من الملحدين .. وهو من القرامطه الباطنيه .. الذين لا يؤمنون بمبدأ ولا معاد ولا رب خالق ولا رسول مبعوث جاء من عند الله تعالى وكان هؤلاء زنادقة يتسترون بالرفض ويبطنون الإلحاد المحض ...


لاهنت اخوي حلو النبا على نقل القصيده وصح لسان الشاعر .. والى الامام..

التوقيع

تويتر : AlHooL@

[بندر العصيمي]

صح لسان الشاعر

مشكور على الطرح اخوي

[خالد عبدالله القداح]

حلو النبا لاهنت وبيض الله وجهك وبيض الله وجه الشاعر على تطرقه لمثل هذه المواضيع واعلم
ان الدال على الخير كفاعله

[محقني الخبر]

صح لسان الشاعر الرائع


وحلو هذا البيت

عميان في طرد الهوى ونْتابع مسلسل لميـس
تركيّـةٍ لفتـة هَدَبْهـا أثّــرت بِنْفوسـنـا

[محمد الحميدي]

صح لسان الشاعر محمد القثامي

ولميس اللهم زدنا بها جهل

[عبدالسلام النخيش]

صح لسان محمد القثامي
ولاهنت على النقل

[البريماني]

صح السانه...........

[ذيب عتيبه الهيلا]

صح لسانه
(عميان في طرد الهوى ونْتابع مسلسل لميـس
تركيّـةٍ لفتـة هَدَبْهـا أثّــرت بِنْفوسـنـا)