فتل عضود المناكب ثم نهض زوره

[صالح غزاي ابو كتيفه]

السلام عليكم ورحمة الله وبركاته

أطرف وكاله تجيب الجيب مشكوره=وفا المطاليب والمدحه تحصلها
يوم(ن) الأول مدح فالهجن مذعوره=يا ضني الجيب جاي من سلايلها
يا زين مسراه لأمنه شعاء نوره=براق نون بغر المزن يشعلها
واف المعايير والميزات مشهوره=يشد الأنظار والأذهان يذهلها
ليا وقف ودك انك تلتقط صوره=تفخر بها العاصمة فاكبر محافلها
وفي زحمة السوق كن أخطاه مهجوره=يمشي على هون والخطوة يماهلها
وليا تنزح عن البنيان وقصوره=مع ستر ربي توانيكه يفلله
والضلع قدمه تنحى وانفهق طوره=والديره اللي يبيها بان مدهلها
ما يرتهب من فروع الدرب وثغوره=كنه يقول الخريمه وين وازهلها
فتل عضود المناكب ثم نهض زوره=يبدا الصعيبات وان كادت تحملها
لأمن راع الملاعب دق زاموره=وأهل القنوات لهيت في مسلسلها
ما يصبح آلا بدار(ن) تنعش قفوره=نجد العذيه آليا لبست حلايلها
في ديرت(ن) من غزير الوسم ممطوره=رويت مراقيبها وأدلت مسايلها
والعشب قامت تعاقب شمعة زهوره=تلقى أم سالم تلالي في خمايلها
والذود راعيه قام يهجر مقهوره=وأم الحوير آليا فاقت يبهلها
هذا هوى القلب وعلاجه ودكتوره=وان ماتت النفس يا ربي تحللها

[معجب العتيبي]

صح لسانك

والله يرزقك بجيب هههههههههه



بس تعطيني دوره

التوقيع

[عبدالرحمن الهيلوم]

صح السانك يابن العم الغالي

[أبو نجر النفيعي]

..

الله الله يابو كتيفه ..

صح لسانك على القصيده الجزله والمعبره ..



أخوك

التوقيع

.....

[صالح غزاي ابو كتيفه]

المشاركة الأصلية كتبت بواسطة معجب العتيبي

صح لسانك

والله يرزقك بجيب هههههههههه



بس تعطيني دوره

الأخ معجب العتيبي
صح بدنك وشكراً لمرورك

[صالح غزاي ابو كتيفه]

المشاركة الأصلية كتبت بواسطة عبدالرحمن الهيلوم

صح السانك يابن العم الغالي

صح بدنك وشاكراً لك مرورك

[ابن رازن]

صح لسان الشاعر

[عبدالله الجـــذع]

صالح ابوكتيفه

شاعر جميل ورائـع

ازدهرت قناه الساحه بحضوره
في حفل تكريم الاوفياء قبيله (الفلته)

للشيخ غازي الصفق المطيري

صح لسانك ياجبل ولله درك

وبيض الله وجهك مليووون

محبك

.,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ماجد المحياني]

أخوي صالح بن غزاي أبو كتيفه



تظل شاعر من الوزن الثقيل وشاعر المحايا الأول




فهنيئا لنا بك وصح لسانك على هذه القصيده المحبوكه ولا هي غريبه يابو غزاي منك

[مرزوق حمدان العتيبي]

..
.

صح لسانك واعتلا شانك
.. مدحت الجيب وعز الله انه كفو
...
اخوكـــ .

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD