جديد الشاعر بندر بن محيا (اصدق من الدمعة عى خدود الايتام)

[/عبد العزيز الجذع/]

السلام عليكم ورحمة الله وبركاته


هذي قصيدة جديدة لـ الشاعر الرائع/ بندر بن محيا


اصدق من الدمعة على خدود الايتام






وهذي القصيدة كتابية

مات الرجا ضاع الورق جفت اقـلام=وانـا اذكـرك فالثانيـه والدقيـقـه
قل منتظر واقول انـا منتظـر عـام=قل واحشك واقول ويـش الطريقـه؟
شاعرك عزّم يوم رفّت لـه اعـلام=ومْن القـراح وضفتـه بـلّ ريقـه
ناداه ليـل عيونـك وقـال قـداااام=ورّوح يـدوّر فالخـيـال الحقيـقـه
ياللي وصالـك حاسبـه عـدة ايـام=غيبتك خلّت داخل الصـدر ضيقـه!
ان كان قصدك تروي الروح الاوهام=اوهامك اهون من فـراق ٍ مااطيقـه
ولعل قلب ٍ خاف مـن بعـض الآلام=يموت من كثـر الجـروح العميقـه
ينبض بحبك كـل عـرق ٍ وصمّـام=وطيوفك لعيني هي اوفـى صديقـه
لاصرت اطاوع فيـك عـاذل ولـوّام=وراي ابادلـك المشاعـر رقيقـه؟!
لك في ضلوعي شاعر ٍ مابعـد نـام=وان نام هاجـوس القصايـد يفيقـه
أصدق من الدمعه على خدود الايتـام=واحنّ من قلـب الشقيـق لشقيقـه!
يملى زوايا دفتـري شيـح وثمـام=ومن فوق ريضـان الحنايـا بريقـه
وبعض الغلا اللي قسّم المهجه اقسام=مثل السجين اللـي يدينـه طليقـه!
ولو للأمل باب ٍ تجي منـه الاحـلام=مااستوطن الياس بصـدور الخليقـه
والصمت ورد ٍ جف فـتراب الانسام=يوم انسكب عطـر الكـلام ورحيقـه
ياصاحبي عمر الهوى ماانتهـى دام=به عهـد مابيـن الرفيـق ورفيقـه
من جيت لك والأرض في عيني حطام=والشوق ضيّع خطوتي في طريقـه!
وقريت في وجهك ذنوبـي والآثـام=كنك تقول لخاطري ...فـي حريقـه!

المصدر/ منتديات الشاعر بندر بن محيا

آخر تعديل /عبد العزيز الجذع/ يوم 20-Jul-2008 في 02:49 AM.

[عبدالرحمن الهيلوم]

لاهنت يابو سعوووووووووووود
والله المحيا شاعر وحبيب ويرفع الراس والله يوفقه
وصح السانه ولسانك

[/عبد العزيز الجذع/]

ايه والله شاعر مهوب سهل ما شاء الله عليه.

وصح بدنك بالنيابة.

[وافي الخماش]

صح لسانه شاعر ذو احساس مرهف ..

[/عبد العزيز الجذع/]

مشكووور يالغالي على المرور الجميــــــــــــــــــــــــــــل.

[روح جاي]

صح لسان ابن محيا

يعطيك العافيه على القصيده

[/عبد العزيز الجذع/]

لاهنت يالغالي على المرور الجميل.

[بدر الكريزي]

""

صـح لسانه المحيا ..

مبدع قليلة بحقه ..

و عافاك الله يالجذع على النقل ..

لاهنت ..

""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[/عبد العزيز الجذع/]

مشكووور يالغالي على المرور الرائع.