لاياوجودي وجد مـن ضاعـت معاملتـه=يوم الأحد في مكتـب الصـادر يدورهـا
على هنوفٍ سيف ابـن شـداد شايلتـه=بعكش الرموش اللي خيالي ماتصورهـا
أقفت تهادى وسلبت قلبـي ولا أمهلتـه=في ذمتـي كنـه مـع جملـة أساورهـا
برقٍ لمع يوضي علـى خدينهـا خلتـه=ومن وين مالدت تكاشف مـع تبلورهـا
تفـرع بقـدٍ ليـن الأعطـاف علّلتـه..=نسمة هبوب لذبحـة المفتـون شاورهـا
لـو كـان فيهـا للغـلا سـورٍ تسللتـه=من بعد ما أنسلت على نفسي تساورهـا
ولو حسنها يقسم على الحرفين عاملتـه=اوقـد لياليهـا بشمعـاتـي وانـورهـا
وان حدنـي للضيـم بالصـدات قابلتـه=ومافيه داعـي جملـة أخلاقـي أزورهـا
قلته وانا ادري مـا تكفينـي بمـا قلتـه=ليا جيت ابشكي ضاقت الشكوى بمحاورها
ياعـل يفـدا زولهـا رخـوٍ تحملـتـه=لعيـون ابـوه ولابـةٍ تكـرم مجاورهـا
« آخـــر الـــمـــشـــاركــــات »
لاياوجودي وجد مـن ضاعـت معاملتـه
العرض الشجري