(محاوره) بين مطلق الثبيتي وشبيب الدغباسي

[محب الهيلا]

السلام عليكم ورحمة الله وبركاته

محاوره من نوع المربوع بين مطلق الثبيتي وشبيب الدغباسي



شبيب:


الليله الوقفه صعيبه = ماهي مثل ماضي الليالي
ماكل رجل فيه شده = الا قويين العزومي
الى عوى ذيب لذيبه = الحرب تظهر له رجــالي
وتعوض بالهدات رده = الله يقود لي السهومي




مطلق

:مابيننا شده غريبه = ياولد ابو زيد الهلالي
عرفت اهل مكه وجده = واللي ورى ضلع البقومي
الجرح ياتي له طبيبه = لو كان بالعشر التوالي
واللي معه راس يكده = مثل القمر بين النجومي




شبيب:

نعمين فيكم ياعتيبه = اللي بعيد والموالي
لا شك كل دون حده = وانته بخيص بالسلومي
الملعبه مثل الخطيبه = تبغى لها عز ودلالي
ولا كل رجال توده = لضيوفنا يمكن تشومي




مطلق:

شبيب سواها شبيبه = والسعر جوا السوق غالي
والذيب ماينباح سده = لو راحة لفرك الخشومي
والصدر لو يبدي حضيبه = كل عطا له فج خالي
واشعيل والله مانضده = لو مات وطيوره تحومي




شبيب:

مانيب راضي بالغليبه = بجاهدك لوني لحالي
كل بد يرجع يم بده = ترى الرخامه للرخومي
الجدي ماحد يقتدي به = معروف بالجدي الشمالي
وان راح عن مسراه رده = كنه على الهضبات يومي




مطلق

:الخبل يسكر من زبيبه = مابه جواب ولا سوالي
عسى جنودك مستعده = ياقايد تبدي اللزومي
الجدي ماحد يعتري به = ولا على راسه ضلالي
والسيف لو جربت حده = ماشلت بعضات الهمومي




شبيب

:الذيب هو ذل في خيبه = يبغى الرواعي بالمفالي
من دونها شده وشده = تتعبك مع ذيك الحزومي
كل بخيص في قليبه = والما تظهره الحبالي
هد الصعب يارجل هده = لا يتعبك غوج عزومي





مطلق:

الذيب ماينقص نصيبه = لو تحترك صم الجبالي
وان لد له بالعين لده = مايقدر الجالس يقومي
سريت وادروبي تعيبه = واحترت في عمي وخالي
والسجن جدره مايهده = غير الذي يجلي الهمومي

[ابو شرف]

الله الله بيض الله وجهك على النقل.

[وافي الخماش]

شــآإكــر لك يالذيب ولا هنت ..

[محب الهيلا]

المشاركة الأصلية كتبت بواسطة ابو شرف

الله الله بيض الله وجهك على النقل.

مشكور على المرور

[محب الهيلا]

المشاركة الأصلية كتبت بواسطة وافي الخماش

شــآإكــر لك يالذيب ولا هنت ..

مشكور على المرور

[/عبد العزيز الجذع/]

بارك الله بك , شكراً أخي الكريم

[محب الهيلا]

المشاركة الأصلية كتبت بواسطة /عبد العزيز الجذع/

بارك الله بك , شكراً أخي الكريم

مشكور على المرور